Abhishek Varun | జూలై 13న బైకుతో సహా బావిలోకి.. 15న మృతదేహం లభ్యం..!

Abhishek Varun | అభిషేక్‌ వరుణ్‌ (Abhisheik Varun) అనే వ్యక్తి గత ఆదివారం తన కుటుంబంతో కలిసి ఓ ఫంక్షన్‌కు వెళ్లాడు. భోజనాలు పూర్తయిన తర్వాత తన భార్యాపిల్లలను క్యాబ్‌లో ఎక్కించి, తాను వెనుకాలే బైక్‌పై వస్తానని చెప్పాడు. కానీ అతడు ఇంటికి వెళ్లలేదు.

Abhishek Varun : ఐసీఐసీఐ లాంబార్డ్‌ (ICICI Lombard) ఇన్సూరెన్స్ కంపెనీ (Insurance company) లో బ్రాంచ్‌ మేనేజర్‌గా పనిచేసే అభిషేక్‌ వరుణ్‌ (Abhisheik Varun) అనే వ్యక్తి గత ఆదివారం తన కుటుంబంతో కలిసి ఓ ఫంక్షన్‌కు వెళ్లాడు. భోజనాలు పూర్తయిన తర్వాత తన భార్యాపిల్లలను క్యాబ్‌లో ఎక్కించి, తాను వెనుకాలే బైక్‌పై వస్తానని చెప్పాడు. కానీ అతడు ఇంటికి వెళ్లలేదు. మంగళవారం ఉదయం ఓ బావిలో శవమై కనిపించాడు. బీహార్ రాజధాని పట్నాలో ఈ ఘటన చోటుచేసుకుంది.

వివరాల్లోకి వెళ్తే.. పట్నాలోని కంకర్‌బాగ్‌లో ఉండే అభిషేక్‌.. గత ఆదివారం రాత్రి అక్కడికి మూడు కిలోమీటర్ల దూరంలోని రామకృష్ణనగర్‌కు కుటుంబంతో కలిసి ఫంక్షన్‌కు వెళ్లాడు. అనంతరం భార్యాపిల్లలను క్యాబ్‌లో ఎక్కించి పంపాడు. తాను వెనుకాలే బైక్‌పై వస్తానని చెప్పాడు. ఇంటికి చేరుకోగానే అతడి భార్య ఫోన్‌ చేయగా.. దారిలోనే ఉన్నానని చెప్పాడు.

ఆ తర్వాత కాసేపటికే అభిషేక్‌ తన భార్యకు ఫోన్‌ చేసి తనకు యాక్సిడెంట్ అయ్యిందని చెప్పాడు. బైకు తనపై పడిందని, తన చుట్టూ గోడలు ఉన్నాయని అన్నాడు. ఆ తర్వాత ఫోన్‌ కట్‌ అయ్యింది. అతడి భార్య మళ్లీ ప్రయత్నించగా స్విచాఫ్‌ వచ్చింది. దాంతో ఆమె పోలీసులకు ఫిర్యాదు చేసింది. మిస్సింగ్‌ కేసు నమోదు చేసిన పోలీసులు అతడి కోసం గాలించగా మంగళవారం ఉదయం ఓ బావిలో మృతదేహం లభ్యమైంది.

అభిషేక్‌ రోడ్డు ప్రమాదంలో మరణించినట్లు పోలీసులు ప్రాథమిక అంచనాకు వచ్చారు. అయితే ఇందులో ఏదైనా కుట్ర దాగి ఉందా అనే కోణంలో కూడా దర్యాప్తు చేస్తున్నట్లు పోలీసులు తెలిపారు.

Read More >>

కేరళ నర్సు నిమిష ప్రియ మరణశిక్ష వాయిదా..!

‘అది ఆయన చీప్‌ మైండ్‌సెట్‌కు నిదర్శనం’.. రాహుల్‌గాంధీపై బీజేపీ కౌంటర్ ఎటాక్‌

‘అది బీజేపీ సిస్టమ్‌ చేసిన హత్య’.. ఒడిశా విద్యార్థిని ఆత్మహత్యపై రాహుల్‌గాంధీ

అమెరికా నుంచి భారత్‌కు మరో GE-404 ఇంజిన్‌.. త్వరలో మరికొన్ని..!

మ‌డ‌త‌బెట్టే ఫోన్‌ను లాంచ్ చేసిన వివో.. ఫీచ‌ర్లు అదిరిపోయాయ్‌.. ధ‌ర ఎంతంటే..?

చైనా అధ్య‌క్షుడిని క‌లిసిన విదేశాంగ మంత్రి జైశంక‌ర్‌

హెచ్‌వోడీ లైంగిక వేధింపులు.. మృత్యువుతో పోరాడి బీఈడీ విద్యార్థిని మృతి