టాలీవుడ్ లో ఉన్న అగ్ర నిర్మాతల్లో దిల్ రాజు ముందుంటారు. ఒక్క ఏడాది కూడా ఈయన ఖాళీగా ఉండడు. కుదిర్తే ఒక్కో ఏడాది అరడజన్ సినిమాలు కూడా విడుదల చేసేంత సత్తా ఉన్న నిర్మాత ఈయన. ఒకప్పుడు రామానాయుడు లాంటి నిర్మాతలు ఫాలో అయిన పద్దతిలోనే ఇప్పుడు దిల్ రాజు కూడా వెళ్తున్నాడు. అప్పట్లో మూవీ మొఘల్ చిన్న సినిమాలతో పాటు భారీ సినిమాలు కూడా నిర్మించేవాడు. ఇప్పుడు దిల్ రాజు ఇదే చేస్తున్నాడు.
ఓ వైపు చిన్న సినిమాలు నిర్మిస్తూనే మరోవైపు భారీ సినిమాలతో వస్తున్నాడు రాజు. కొన్నాళ్లుగా చిన్న సినిమాలు నిర్మిస్తున్న దిల్ రాజు.. ఇప్పుడు భారీ బడ్జెట్ సినిమాలతో సిద్ధమైపోయాడు. శ్రీ వేంకటేశ్వర క్రియేషన్స్ లో వరసగా భారీ సినిమాలు నిర్మిస్తున్నాడు. పాన్ ఇండియన్ సినిమాలతో రచ్చ చేయాలని చూస్తున్నాడు దిల్ రాజు.
రాబోయే నాలుగు సినిమాలకు 750 కోట్లకు పైగా బడ్జెట్ పెడుతున్నాడు దిల్ రాజు. ఇప్పటికే పవన్ కళ్యాణ్ రీ ఎంట్రీ సినిమా వకీల్ సాబ్ నిర్మించాడు. దాంతో పాటు రామ్ చరణ్-శంకర్ కాంబినేషన్లో సినిమాను కూడా ప్రకటించాడు. ఈ సినిమాను పాన్ ఇండియన్ స్థాయిలో 130 కోట్లతో నిర్మించబోతున్నాడు దిల్ రాజు. త్వరలోనే ఈ చిత్రం మొదలు కానుంది. మరోవైపు ప్రభాస్, ప్రశాంత్ నీల్ కాంబినేషన్లో ఓ సినిమా చేయాలని నిర్మించాలని చూస్తున్నాడు దిల్ రాజు. ఇప్పటికే ఈ కాంబినేషన్ లో సలార్ సినిమా వస్తుంది. దాంతో పాటు మరో సినిమాను కూడా చేయాలని చూస్తున్నాడు దిల్ రాజు.
షాహిద్ కపూర్ తో హిందీలో జెర్సీ రీమేక్ ను నిర్మిస్తున్నాడు దిల్ రాజు. అల్లు అరవింద్తో కలిసి ఈ సినిమాను నిర్మిస్తున్నాడు. అల్లు అర్జున్ సినిమాను కూడా లైన్లో ఉంచాడు దిల్ రాజు. ఇప్పటికే ఆర్య, పరుగు, డిజే సినిమాలు నిర్మించాడు. ఇప్పుడు 4వ సారి ఈ కాంబినేషన్ లో సినిమా రానుంది. అలాగే వంశీ పైడిపల్లి, విజయ్ కాంబినేషన్ లోనూ ఓ భారీ సినిమాకు ప్లాన్ చేస్తున్నాడు. దిల్ రాజు దీనికోసం విజయ్ కు ఏకంగా 100 కోట్ల పారితోషికం ఇవ్వనున్నట్లు తెలుస్తుంది. తాజాగా మరో సెన్సేషనల్ ప్రాజెక్ట్ లైన్లోకి .
బోయపాటి శ్రీను, తమిళ స్టార్ హీరో సూర్య కాంబినేషన్ లో ఓ సినిమా నిర్మించాలని ప్రయత్నిస్తున్నాడు .ఇప్పటికే సూర్య డేట్స్ కోసం కూడా చర్చలు మొదలు పెట్టినట్లు ప్రచారం జరుగుతుంది. త్వరలోనే ఈ ప్రాజెక్టుపై ఓ క్లారిటీ రానుంది. ఇన్ని భారీ సినిమాలు ఒకేసారి పట్టాలెక్కించడం అంటే అది కేవలం దిల్ రాజుకు మాత్రమే సాధ్యమవుతుంది.
ఇవి కూడా చదవండి..
సన్ ఆఫ్ ఇండియా టీంకు శుభాకాంక్షలు తెలిపిన అమితాబ్
ఆర్ఆర్ఆర్ చివరి ఘట్టానికి ముహూర్తం ఫిక్స్..!
సీఎం సహాయనిధికి రూ.25 లక్షలు విరాళం ఇచ్చిన విజయ్ సేతుపతి
కొత్త సినిమాలో రవితేజ పాత్ర ఇదే..!
థియేటర్లలోనే అక్షయ్ బెల్బాటమ్.. రిలీజ్ తేదీ ప్రకటన
విజయ్ సేతుపతితో ప్రశాంత్ నీల్ చర్చలు..!
అక్షయ్ కుమార్ @ 1000 కోట్లు..ఖిలాడీ దూకుడు..!
టాలీవుడ్ కమ్ బ్యాక్ త్వరలో..కైరా ట్వీట్