Samantha | పెళ్లి గౌనును రీమోడలింగ్‌ చేయించుకున్న సమంత.. ఎందుకంటే..?

Samantha | స్టార్‌ నటి సమంత (Samantha) చేసిన ఓ పనికి ఇప్పుడు అంతా ఆశ్చర్యపోతున్నారు. తన పెళ్లినాటి గౌనును (wedding gown) రీమోడలింగ్‌ చేయించి ఓ అవార్డు కార్యక్రమంలో ధరించింది.

April 26, 2024 / 11:36 AM IST

Samantha | పెళ్లి గౌనును రీమోడలింగ్‌ చేయించుకున్న సమంత.. ఎందుకంటే..?

Samantha | స్టార్‌ నటి సమంత (Samantha) గురించి ప్రత్యేక పరిచయం అక్కర్లేదు. ఇండియన్ ఫిలిం ఇండస్ట్రీలో ఉన్న మోస్ట్ టాలెంటెడ్‌ బ్యూటీల్లో టాప్‌లో ఉంటుందీ చెన్నై సుందరి. తన అందం, అభినయంతో కోట్లాదిమంది అభిమానులను సంపాదించుకున్న సామ్‌ తెలుగు, తమిళం, హిందీ భాషల్లో నటించి టాప్‌ హీరోయిన్‌గా ఎదిగింది. కాగా, గత కొన్ని రోజులగా మయోసైటిస్‌ కారణంగా సామ్‌ సినిమాలకు కాస్త బ్రేక్‌ తీసుకుంది. కానీ, సోషల్‌ మీడియా వేదికగా మాత్రం తరచూ అభిమానులతో టచ్‌లోనే ఉంటూ వ్యక్తిగత విషయాలను షేర్‌ చేసుకుంటోంది. ఈ నేపథ్యంలోనే తాజాగా ఆమె చేసిన ఓ పనికి ఇప్పుడు అంతా ఆశ్చర్యపోతున్నారు. తన పెళ్లినాటి గౌనును (wedding gown) రీమోడలింగ్‌ చేయించి ఓ అవార్డు కార్యక్రమంలో ధరించింది. ప్రస్తుతం సామ్‌ నిర్ణయం చర్చనీయాంశమవుతోంది.

సమంత 2017లో నాగచైతన్యను ప్రేమ వివాహం చేసుకున్న విషయం తెలిసిందే. అయితే, పెళ్లైన నాలుగేళ్లకే వీరు విడిపోయారు. ఇక అప్పుడు వీరి వివాహం హిందూ, క్రిస్టియన్‌ సంప్రదాయాల్లో జరిగింది. క్రైస్తవ పద్ధతిలో జరిగిన వివాహానికి ప్రత్యేకంగా వైట్‌ గౌన్‌ను సామ్‌ డిజైన్‌ చేయించుకుంది. ఆ గౌనును ఇప్పుడు బ్లాక్‌ కాక్‌టైల్‌ స్ట్రాప్‌లెస్‌ గౌను (black cocktail gown)గా మార్చేసింది. ముంబై వేదికగా జరిగిన ‘ఎల్లే సస్టైనబిలిటీ అవార్డుల’ కార్యక్రమంలో ఆ బ్లాక్‌ గౌనును ధరించి స్టేజ్‌పై మెరిసింది.

ఇందుకు సంబంధించిన ఫొటోలను సామ్‌ తన ఇన్‌స్టా ఖాతాలో షేర్‌ చేసింది. తనకెంతో ఇష్టమైన గౌనును రీమోడలింగ్‌ చేయించి ఈ కార్యక్రమం కోసం ఉపయోగించినట్లు తెలిపింది. తన అలవాట్లను మార్చుకోవడం, జీవనశైలిని మరింత స్థిరంగా చేసుకోవడంలో పాత దుస్తులను రీమోడలింగ్‌ చేయించడం కూడా ఒకటని పేర్కొంది. ప్రస్తుతం ఈ ఫొటోలు తెగ వైరల్‌ అవుతున్నాయి.