India – Australia | ఐసీసీ ఫైన‌ల్స్‌లో భారత్, ఆస్ట్రేలియా.. ఈ రికార్డులు తెలుసా..?

India - Australia : అండ‌ర్ -19 ప్రపంచ క‌ప్ టోర్నీ తుది అంకానికి చేరింది. యువ‌ భార‌త జ‌ట్టు(Team India) ఐదోసారి ఫైన‌ల్లో అడుగుపెట్టింది. టీమిండియా డిఫెండింగ్ చాంపియ‌న్‌గా మ‌రో టైటిల్ నిల‌బెట్టుకుంటుందా? అని కోట్లాది మంది...

February 9, 2024 / 12:09 PM IST

India – Australia | ఐసీసీ ఫైన‌ల్స్‌లో భారత్, ఆస్ట్రేలియా.. ఈ రికార్డులు తెలుసా..?

India – Australia : అండ‌ర్ -19 ప్రపంచ క‌ప్ టోర్నీ తుది అంకానికి చేరింది. యువ‌ భార‌త జ‌ట్టు(Team India) ఐదోసారి ఫైన‌ల్లో అడుగుపెట్టింది. టీమిండియా డిఫెండింగ్ చాంపియ‌న్‌గా మ‌రో టైటిల్ నిల‌బెట్టుకుంటుందా? అని కోట్లాది మంది అభిమానులు ఆతృత‌గా ఎదురుచూస్తున్నారు. అయితే.. రెండో సెమీఫైన‌ల్లో పాకిస్థాన్‌కు ఆస్ట్రేలియా(Australia) చెక్ పెట్ట‌డంతో ఇప్పుడు ప్ర‌తి ఒక్క‌రిలో చిన్న‌పాటి క‌ల‌వ‌రం. మ‌న కుర్రాళ్లు క‌ప్పు కొడ‌తారా? ఆసీస్‌ను ఓడిస్తారా? అని మ‌న‌సులో ఏదో చిన్న అనుమానం.

ఎందుకంటే.. 2003 ప్ర‌పంచ‌క‌ప్ ఫైన‌ల్లో భార‌త అభిమానుల‌కు గుండెకోత మిగిల్చిన ఆసీస్.. నిరుడు ఏకంగా మూడు ఐసీసీ ఫైన‌ల్స్‌లో భార‌త్‌ను చిత్తు చేసింది. మ‌హిళ‌ల టీ20 వ‌ర‌ల్డ్ క‌ప్‌లో హ‌ర్మ‌న్‌ప్రీత్ సేన ట్రోఫీ క‌ల‌కు మేగ్ లానింగ్ బృందం అడ్డుప‌డింది.

Australia have beaten India in the last three ICC knockout games 🇦🇺

They meet again in the men’s U-19 World Cup final 🏆 pic.twitter.com/J1daYVyDMG

— ESPNcricinfo (@ESPNcricinfo) February 9, 2024

ఆ త‌ర్వాత ప్ర‌పంచ టెస్టు చాంపియ‌న్‌షిప్ ఫైన‌ల్లో ప్యాట్ క‌మిన్స్ నేతృత్వంలోని ఆసీస్.. రోహిత్ శ‌ర్మ‌ను చిత్తు చేసి టెస్టు గ‌ద‌ను ఎగ‌రేసుకుపోయింది. ఆ బాధ నుంచి కోలుకుంటూ వ‌న్డే వ‌ర‌ల్డ్ క‌ప్‌లో అద‌ర‌గొట్టిన భార‌త్.. ఫైన‌ల్‌కు దూసుకెళ్లింది. కానీ, ఆస్ట్రేలియా టైటిల్ పోరుకు వ‌చ్చి.. టీమిండియాను 11 ఏండ్లుగా ఊరిస్తున్న ఐసీసీ ట్రోఫీని త‌న్నుకుపోయింది. మ‌ళ్లీ.. ఇప్పుడు అండ‌ర్ 19 వ‌ర‌ల్డ్ క‌ప్‌లో భార‌త్, ఆస్ట్రేలియా ట్రోఫీ పోరులో అమీతుమీ తేల్చుకోనున్నాయి. సీనియ‌ర్లు చేతులెత్తేసిన‌ట్టే కుర్రాళ్లు కూడా నిరాశ‌ప‌రుస్తారా? అని ఫ్యాన్స్‌లో క‌ల‌వ‌రం మొద‌లైంది.

ప్రపంచ క‌ప్ ఫైన‌ల్లో(2023) ఓట‌మితో కన్నీటిప‌ర్యంత‌మైన భార‌త ఆట‌గాళ్లు

అయితే.. గ‌తంలో భార‌త్, ఆసీస్ రెండుసార్లు అండ‌ర్ -19 ఫైన‌ల్లో త‌ల‌ప‌డ్డాయి. ఆ రెండు ప‌ర్యాయాలు యంగ్ ఇండియా కంగారూల‌ను మ‌ట్టిక‌రిపించి చాంపియ‌న్‌గా అవ‌త‌రించింది. 2012లో ఆసీస్‌ను 6 వికెట్ల తేడాతో ఓడించి విజేత‌గా నిలిచింది.

India and Australia have met twice before in the #U19WorldCup final – India were victorious in both 🏆

Who will lift the trophy this time? pic.twitter.com/ZLJg1dpQ6x

— ESPNcricinfo (@ESPNcricinfo) February 9, 2024

పృథ్వీ షా నేతృత్వంలోని టీమిండియా 2018లో 8 వికెట్ల తేడాతో కంగారూ జ‌ట్టుపై గెలుపొందింది. గత రికార్డులు టీమిండియా ఆధిప‌త్యాన్ని స్ప‌ష్టం చేస్తున్నా.. కుర్ర ఆస్ట్రేలియాను తక్కువ అంచ‌నా వేస్తే పొర‌ప‌డిన‌ట్టే. బ్యాటింగ్‌లో బ‌లంగా క‌నిపిస్తున్న భార‌త్‌.. బౌలింగ్‌లో ప‌టిష్టంగా ఉన్నా ఆసీస్‌ల మ‌ధ్య త‌గ్గ పోరు జ‌ర‌గ‌డం ఖాయం. గ‌త రికార్డును కొన‌సాగిస్తూ యువ భార‌త్ హ్యాట్రిక్ కొట్టాల‌ని కోట్లాది మంది భార‌తీయుల కోరుకుంటున్నారు.