Sachin Tendulkar | స‌చిన్ తొలి సెంచ‌రీకి 33 ఏళ్లు.. ఒక శ‌కం మొద‌లైందంటూ బీసీసీఐ ట్వీట్

Sachin Tendulkar : క్రికెట్‌లో దిగ్గ‌జాల‌కే దిగ్గ‌జం.. రికార్డుల రారాజు.. క్రికెట్ దేవుడు.. ఇలా ఎన్నో పేర్ల‌తో అభిమానుల గుండెల్లో చిర‌స్థాయిగా నిలిచిపోయాడు స‌చిన్ టెండూల్క‌ర్(Sachin Tendulkar). నూనుగు మీసాల వ‌య‌సులో అంత‌ర్జాతీయ క్రికెట్‌(International Cricket)లో అడుగుపెట్టిన స‌చిన్ ఎన్నో ప్ర‌కంప‌న‌లు సృష్టించాడు. అత‌డి సుదీర్ఘ‌ కెరీర్‌లో ఈరోజు మాత్రం ఎప్ప‌టికీ మ‌ర్చిపోలేనిది. ఎందుకో తెలుసా..? స‌చిన్ ఈరోజు మొద‌టి సెంచ‌రీ...

Sachin Tendulkar : క్రికెట్‌లో దిగ్గ‌జాల‌కే దిగ్గ‌జం.. రికార్డుల రారాజు.. క్రికెట్ దేవుడు.. ఇలా ఎన్నో పేర్ల‌తో అభిమానుల గుండెల్లో చిర‌స్థాయిగా నిలిచిపోయాడు స‌చిన్ టెండూల్క‌ర్(Sachin Tendulkar). నూనుగు మీసాల వ‌య‌సులో అంత‌ర్జాతీయ క్రికెట్‌(International Cricket)లో అడుగుపెట్టిన స‌చిన్ ఎన్నో ప్ర‌కంప‌న‌లు సృష్టించాడు. అత‌డి ప‌రుగుల దాహం ముందు రికార్డులు చిన్న‌బోయాయి. ప్ర‌పంచంలోని మేటిబౌల‌ర్లను ఉతికారేసిన మాస్ట‌ర్ బ్లాస్ట‌ర్ ట‌న్నుల కొద్దీ ర‌న్స్ చేశాడు. అత‌డి సుదీర్ఘ‌ కెరీర్‌లో ఈరోజు మాత్రం ఎప్ప‌టికీ మ‌ర్చిపోలేనిది. ఎందుకో తెలుసా..? స‌చిన్ ఈరోజు మొద‌టి సెంచ‌రీ బాదాడు.

స‌రిగ్గా 33 ఏళ్ల క్రితం అంటే.. 1990 ఆగ‌స్టు 14న‌ 17 ఏళ్ల‌ స‌చిన్ తొలి అంత‌ర్జాతీయ‌ సెంచ‌రీ(International Century) బాదాడు. ఈ ప్ర‌త్యేక‌మైన రోజును బీసీసీఐ(BCCI) గుర్తు చేసుకుంది. ఆ శ‌త‌కంతో క్రికెట్‌లో ఒక కొత్త శ‌కం మొద‌లైందంటూ ట్వీట్ చేసింది. ప్ర‌స్తుతం ఆ ట్వీట్ వైర‌ల్ అవుతోంది.

#OnThisDay in 1990, a 17-year-old @sachin_rt announced himself on the world stage by scoring his first international hundred in a match-saving effort against England in the 4th innings of a Test match! It marked the beginning of an era that would redefine the sport. pic.twitter.com/fuIxfGwykl

— Jay Shah (@JayShah) August 14, 2023

భార‌త జ‌ట్టు 1990లో ఇంగ్లండ్ ప‌ర్య‌ట‌న‌కు వెళ్లింది. ఆ సిరీస్‌లో 17 ఏళ్ల స‌చిన్ ఎలా రాణిస్తాడు? అని అంద‌రూ ఆస‌క్తిగా ఉన్నారు. ఓల్డ్ ట్ర‌ఫోర్డ్(Old Trafford) స్టేడియంలో జ‌రిగిన రెండో టెస్టులో మాస్టర్ క‌ళాత్మ‌క ఆట‌తో శ‌త‌కం సాధించాడు. మొద‌టి ఇన్నింగ్స్‌లో 63 ర‌న్స్ చేసిన అత‌ను రెండో ఇన్నింగ్స్‌లో 119 ప‌రుగుల‌తో నాటౌట్‌గా నిలిచాడు. దాంతో భార‌త్ ఆ మ్యాచ్ డ్రా చేసుకోగ‌లిగింది.

స‌చిన్ టెండూల్క‌ర్(119 నాటౌట్‌)

ఈ సెంచ‌రీతో స‌చిన్ చిన్న వ‌య‌సులోనే సెంచ‌రీ కొట్టిన మూడో క్రికెట‌ర్‌గా చ‌రిత్ర సృష్టించాడు. అంతేకాదు ఆ శ‌త‌కంతో ఒక లెజెండ్ పుట్టాడ‌నే విష‌యం ప్ర‌పంచానికి తెలిసింది. అక్క‌డితో మాస్ట‌ర్ బ్లాస్ట‌ర్ సెంచ‌రీల ప‌ర్వం మొద‌లైంది. త‌న 20 ఏళ్ల కెరీర్‌లో స‌చిన్ 100 అంత‌ర్జాతీయ శ‌త‌కాలతో రికార్డు నెల‌కొల్పాడు. సొంత గ‌డ్డ‌పై 2011లో వ‌ర‌ల్డ్ క‌ప్(ODI World Cup 2011) క‌ల‌ను నిజం చేసుకున్న ఈ దిగ్గ‌జం 2013లో క్రికెట్‌కు వీడ్కోలు ప‌లికాడు. ప్ర‌స్తుతం ఐపీఎల్‌లో ముంబై ఇండియ‌న్స్(Mumbain Indians) జ‌ట్టు మెంటార్‌గా సేవ‌లందిస్తున్నాడు.

ఇవి కూడా చ‌ద‌వండి

Steven Finn | ఇంగ్లండ్‌కు మ‌రో షాక్.. క్రికెట్‌కు వీడ్కోలు ప‌లికిన స్టార్ బౌల‌ర్

Rahul Dravid | ఔను.. కొన్నాళ్లుగా భార‌త జ‌ట్టును వేధిస్తున్న స‌మ‌స్య అదే : ద్ర‌విడ్