INDW vs BANW | బంగ్లాను హ‌డ‌లెత్తించిన రేణుక.. భార‌త్ ల‌క్ష్యం..?

INDW vs BANW : మ‌హిళ‌ల ఆసియా క‌ప్ సెమీఫైన‌ల్లో భార‌త బౌల‌ర్లు చెల‌రేగారు. పేస‌ర్ రేణుకా సింగ్(3/10) విజృంభ‌ణ‌తో బంగ్లాదేశ్ టాపార్డ‌ర్ చేతులెసింది. ఆ త‌ర్వాత‌ స్పిన్న‌ర్ రాధా యాద‌వ్(3/14) సైతం మూడు వికెట్ల‌తో స‌త్తా చాట‌గా ప్ర‌త్య‌ర్థి జ‌ట్టు స్వ‌ల్ప స్కోర్‌కే ప‌రిమిత‌మైంది.

INDW vs BANW : మ‌హిళ‌ల ఆసియా క‌ప్ సెమీఫైన‌ల్లో భార‌త బౌల‌ర్లు చెల‌రేగారు. పేస‌ర్ రేణుకా సింగ్(3/10) విజృంభ‌ణ‌తో బంగ్లాదేశ్ టాపార్డ‌ర్ చేతులెసింది. ఆ త‌ర్వాత‌ స్పిన్న‌ర్ రాధా యాద‌వ్(3/14) సైతం మూడు వికెట్ల‌తో స‌త్తా చాట‌గా ప్ర‌త్య‌ర్థి జ‌ట్టు స్వ‌ల్ప స్కోర్‌కే ప‌రిమిత‌మైంది. స‌హ‌చ‌రులంతా పెవిలియ‌న్ బాట ప‌ట్టిన వేళ‌ కెప్టెన్ నిగ‌ర్ సుల్తానా(32) ఒంట‌రి పోరాటం చేసింది. దాంతో, నిర్ణీత ఓవ‌ర్లలో బంగ్లా 8 వికెట్ల న‌ష్టానికి 88 ప‌రుగులు చేసిందంతే.

దంబుల్లా స్టేడియంలో టాస్ గెలిచిన బంగ్లాదేశ్ బ్యాటింగ్ తీసుకొని భార‌త్‌కు భారీ లక్ష్యం నిర్ధేశించాల‌నుకుంది. కానీ, బంగ్లా ఆశ‌ల్ని అడియాశ‌లు చేస్తూ తొలి ఓవ‌ర్లోనే రేణుకాసింగ్ ఓపెన‌ర్ దిల్హారా అక్త‌ర్‌(6)ను ఔట్ చేసింది. ఆ త‌ర్వాతి ఓవ‌ర్లో ముర్షిదా ఖాటున్(4), ఇష్మ తంజిమ్‌(8)ల‌ను ఔట్ చేసి బంగ్లాను చావు దెబ్బ కొట్టింది.

Renuka Singh’s 3-fer has restricted Bangladesh to just 80. Can Verma and Mandhana chase this down quickly? 🔥#WomensAsiaCup2024 #ACC #HerStory #INDWvBANW pic.twitter.com/SRfLivndPH

— AsianCricketCouncil (@ACCMedia1) July 26, 2024

21 ప‌రుగుల‌కే మూడు వికెట్లు ప‌డిన ద‌శ‌లో కెప్టెన్ నిగ‌ర్ సుల్తానా(32) ప‌ట్టుద‌ల‌గా ఆడింది. టీమిండియా బౌల‌ర్ల‌ను దీటుగా ఎదుర్కొంటూ స్కోర్‌బోర్డును న‌డిపించింది. అయితే.. రాధా యాద‌వ్ తిప్పేయ‌డంతో మ‌రో ఎండ్‌లో నిల‌బ‌డే వాళ్లే క‌రువ‌య్యారు. దాంతో, బంగ్లా వంద కూడా కొట్ట‌లేక‌పోయింది. ఆఖ‌ర్లో షోమా అక్త‌ర్ బ్యాట్ ఝులిపించ‌డంతో బంగ్లా నిర్ణీత ఓవ‌ర్లో 8 వికెట్ల న‌ష్టానికి 88 ప‌రుగుల‌కు ప‌రిమిత‌మైంది.

ఇవి కూడా చ‌ద‌వండి

• Barack Obama: క‌మ‌లా హ్యారిస్‌కు మ‌ద్ద‌తు తెలిపిన మాజీ అధ్య‌క్షుడు బ‌రాక్ ఒబామా
• Harish Rao | రుణ‌మాఫీ దేవుడెరుగు.. వ‌డ్డీ చెల్లించేందుకు కొత్త‌గా అప్పులు చేయాల్సి వ‌స్తుంది : హ‌రీశ్‌రావు
• Vikramarkudu 4K | జక్కన్న విక్రమార్కుడు రీరిలీజ్‌ టైం.. రవితేజ కటౌట్‌ అదిరిందంతే