Barack Obama: క‌మ‌లా హ్యారిస్‌కు మ‌ద్ద‌తు తెలిపిన మాజీ అధ్య‌క్షుడు బ‌రాక్ ఒబామా

Barack Obama : డెమోక్ర‌టిక్ అభ్య‌ర్థి క‌మ‌లా హ్యారిస్‌కు.. మాజీ అధ్య‌క్షుడు బ‌రాక్ ఒబామా మ‌ద్ద‌తు తెలిపారు. మిచెల్‌తో పాటు నేను కూడా గ‌ర్వంగా ఫీల‌వుతున్నాన‌ని, ఈ ఎన్నిక‌ల్లో గెలుపు సాధించేందుకు త‌మ వంతు ప్ర‌య‌త్నం చేస్తామ‌ని బ‌రాక్ ఒబామా తెలిపారు.

అట్లాంటా: డెమోక్ర‌టిక్ అభ్య‌ర్థి క‌మ‌లా హ్యారిస్‌కు.. మాజీ అధ్య‌క్షుడు బ‌రాక్ ఒబామా(Barack Obama) మ‌ద్ద‌తు తెలిపారు. ఈ న‌వంబ‌ర్‌లో జ‌ర‌గ‌బోయే అధ్య‌క్ష ఎన్నిక‌ల్లో డెమోక్ర‌టిక్ అభ్య‌ర్థిగా క‌మ‌లా హ్యారిస్ పోటీ ప‌డే అవ‌కాశాలు ఉన్నాయి. రేసు నుంచి త‌ప్పుకున్న అధ్య‌క్షుడు బైడెన్‌.. త‌న స్థానంలో క‌మ‌లా హ్యారిస్‌ను ప్ర‌తిపాదించారు. అయితే క‌మ‌లా హ్యారిస్ విష‌యంలో డెమోక్ర‌టిక్ నేత‌లు భిన్నాభిప్రాయాలు వ్య‌క్తం అయ్యాయి. ఇప్ప‌టి వ‌ర‌కు మాజీ అధ్య‌క్షుడు బ‌రాక్ ఒబామా త‌న మ‌ద్ద‌తును తెలప‌లేదు. అయితే ఇవాళ ఒబామా దంప‌తులు .. క‌మ‌లాహ్యారిస్ కు మ‌ద్ద‌తు ప్ర‌క‌టించారు. దానికి సంబంధించిన వీడియోను రిలీజ్ చేశారు.

Earlier this week, Michelle and I called our friend @KamalaHarris. We told her we think she’ll make a fantastic President of the United States, and that she has our full support. At this critical moment for our country, we’re going to do everything we can to make sure she wins in… pic.twitter.com/0UIS0doIbA

— Barack Obama (@BarackObama) July 26, 2024

మాజీ తొలి దంప‌తుల నుంచి హ్యారిస్‌కు ఫోన్ కాల్ వ‌చ్చింది. మిచెల్‌తో పాటు నేను కూడా గ‌ర్వంగా ఫీల‌వుతున్నాన‌ని, ఈ ఎన్నిక‌ల్లో గెలుపు సాధించేందుకు త‌మ వంతు ప్ర‌య‌త్నం చేస్తామ‌ని బ‌రాక్ ఒబామా తెలిపారు. క‌మ‌లా నీ ప‌ట్ల గ‌ర్వంగా ఉంద‌ని, నువ్వు చ‌రిత్ర సృష్టిస్తావ‌ని మిచెల్ ఆ ఫోన్ కాల్‌లో తెలిపారు.