Hardhik Pandya | ఐపీఎల్‌తోనే ఈ స్థాయికి.. నా జీవితంలో అద్భుత‌మైన ఏడాది అదే..!

Hardhik Pandya : భార‌త జ‌ట్టు ఆల్‌రౌండ‌ర్ హార్దిక్ పాండ్యా(Hardhik Pandya) టీ20 కెప్టెన్సీ గురించి చెప్పాల్సిన ప‌నే లేదు. అరంగేట్రంలోనే గుజరాత్ టైటాన్స్‌(Gujarat Titans)కు ట్రోఫీ క‌ట్ట‌బెట్టిన పాండ్యా .. ఐపీఎల్ 17వ సీజ‌న్‌లో ముంబై ఇండియ‌న్స్(Mumbai Indians) సార‌థిగా ఎంపికై వార్త‌ల్లో...

Hardhik Pandya : భార‌త జ‌ట్టు ఆల్‌రౌండ‌ర్ హార్దిక్ పాండ్యా(Hardhik Pandya) టీ20 కెప్టెన్సీ గురించి చెప్పాల్సిన ప‌నే లేదు. అరంగేట్రంలోనే గుజరాత్ టైటాన్స్‌(Gujarat Titans)కు ట్రోఫీ క‌ట్ట‌బెట్టిన పాండ్యా టీమిండియాకు సిరీస్ విజ‌యాలు అందించాడు. ఐపీఎల్ 17వ సీజ‌న్‌లో ముంబై ఇండియ‌న్స్(Mumbai Indians) సార‌థిగా ఎంపికై వార్త‌ల్లో నిలిచిన పాండ్యా.. త‌న కెరీర్ గురించి ప‌లు ఆస‌క్తిక‌ర విష‌యాలు పంచుకున్నాడు. స్టార్ స్పోర్ట్స్ నిర్వ‌హించిన ఫ్యాన్ ఈవెంట్‌లో మాట్లాడిన హార్దిక్.. 2015 త‌న కెరీర్‌లో అద్భుత‌మైన ఏడాది అని చెప్పాడు.

‘ఐపీఎల్‌లో 2015 నాకెంతో ప్ర‌త్యేకం. ఆ ఏడాది ప్ర‌ద‌ర్శ‌న‌తోనే నేను ఈ స్థాయికి చేరాను. ఒక‌వేళ ఈ ఏడాది నేను విఫ‌లమై ఉంటే.. ఇప్పుడు నేను ఇక్క‌డ ఉండేవాడిని కాదు. ఆ సీజ‌నంతా ముంబై విజ‌యాల్లో నా వంతు పాత్ర పోషించినందుకు చాలా అదృష్ట‌వంతుడిగా భావిస్తున్నా.

‘The first title holds a special place in memory’, says @hardikpandya7 as he recalls his inaugural #IPL win!@mipaltan‘s new skipper mentions receiving the MOTM award.

Tap to watch full video 👉🏻 : https://t.co/oDEGB4syIp pic.twitter.com/r5cErqHUKf

— Star Sports (@StarSportsIndia) March 2, 2024

ఆ ఎడిష‌న్‌లో నా బెస్ట్ మెమ‌రీ ఏంటంటే.. చావోరేవో లాంటి రెండు మ్యాచుల్లో నేను ప్లేయ‌ర్ ఆఫ్ ది మ్యాచ్ అవార్డు అందుకున్నా. అందుక‌నే ఆ ఏడాది నా జీవిత‌లో అద్భుత‌మైన‌ది. అక్క‌డితోనే నా ప్ర‌యాణం మొద‌లైంది. ఈ టోర్న‌మెంట్ కార‌ణంగానే గుజ‌రాత్ నుంచి పెద్ద క‌ల‌ల‌తో వ‌చ్చిన ఓ కుర్రాడు అన్నీ సాధించ‌గ‌లిగాడు’ అని పాండ్యా తెలిపాడు.

వ‌రుస‌గా 4  ఓట‌ములు

రోహిత్ శ‌ర్మ నేతృత్వంలోని ముంబై 2015 సీజ‌న్‌లో వ‌రుస‌గా నాలుగు మ్యాచ్‌లు ఓడింది. దాంతో, ఆ జ‌ట్టు పనైపోయింద‌ని అనుకున్నారంతా. కానీ, అనూహ్యంగా పుంజుకున్న ముంబై వ‌రుస‌గా 9 మ్యాచుల్లో గెలిచి టైటిల్ పోరుకు దూసుకెళ్లింది ఈడెన్ గార్డెన్స్‌లో జ‌రిగిన ఫైన‌ల్లో ముంబై విజేత‌గా నిలిచింది. ఈ సీజ‌న్‌లో బ్యాటుతో, బంతితో అద‌ర‌గొట్టిన పాండ్యా రెండు ప్లేయ‌ర్ ఆఫ్ ది మ్యాచ్ అవార్డులు అందుకున్నాడు.

వ‌న్డే వ‌ర‌ల్డ్ క‌ప్‌లో గాయ‌ప‌డిన పాండ్యా కొన్ని నెల‌లుగా ఆట‌కు దూర‌మ‌య్యాడు. ఈ మ‌ధ్యే ఫిట్‌నెస్ సాధించిన ఈ ఆల్‌రౌండ‌ర్ బ‌రోడా స్టేడియంలో ప్రాక్టీస్ వేగ‌వంతం చేశాడు. ఐపీఎల్ 17వ సీజ‌న్‌న‌కు మ‌రో 19 రోజులే ఉంది. దాంతో, పాండ్యా త‌న బౌలింగ్‌కు ప‌దును పెడుతున్నాడు. రోహిత్ శ‌ర్మ కెప్టెన్సీలో ఆడిన పాండ్యా.. ఇప్పుడు ముంబై సార‌థిగా తొలి సీజ‌న్ ఆడ‌బోతున్నాడు. మేనేజ్‌మెంట్, హెడ్‌కోచ్ స‌హా అంద‌రి మ‌ద్ద‌తు ఉన్న పాండ్యా ముంబైకి ఆరో టైటిల్ అందిస్తాడా? లేదా? అనేది మ‌రికొన్ని రోజుల్లో తేలిపోనుంది.

ఇవి కూడా చ‌దవండి

• MS Dhoni | ప్రీ- వెడ్డింగ్ వేడుక‌లో దాండియా ఆడిన ధోనీ.. వీడియో
• WTC 2023-25 | ఆస్ట్రేలియా చేతిలో న్యూజిలాండ్ చిత్తు.. మ‌ళ్లీ అగ్ర‌స్థానంలో టీమిండియా
• HIT 3 | తెరపైకి హిట్‌ 3.. క్రేజీ అప్‌డేట్‌తో నాని అభిమానులు ఖుషీ
• Kidnap | హైదరాబాద్‌లో 9 నెలల చిన్నారి కిడ్నాప్.. గంటల వ్యవధిలో కేసును చేధించిన పోలీసులు
• NZ vs AUS 1st Test | లియాన్‌కు 10 వికెట్లు.. భారీ తేడాతో ఓడిన కివీస్