Shoaib Bashir : భారత పర్యటనలో టెస్టు సిరీస్ కోసం సోమవారం ఇంగ్లండ్ సెలెక్టర్లు(England Selectors) స్వ్వాడ్ను ప్రకటించిన విషయం తెలిసిందే. గతంలో భారత పిచ్లపై బొక్కబోర్లాపడిన ఇంగ్లండ్ ఈసారి పటిష్టమైన స్క్వాడ్తో వస్తోంది. అంతేకాదు టీమిండియా బలమైన స్పిన్ అస్త్రంతోనే రోహిత్ శర్మ(Rohit Sharma) సేనను దెబ్బకొట్టేందుకు సిద్ధమవుతోంది. అవును.. ఇంగ్లండ్ సెలెక్టర్లు ప్రకటించిన 16 మందిలో ఇద్దరు యువ స్పిన్నర్లు ఉన్నారు. అందులో 22 ఏండ్ల ఆఫ్ స్పిన్నర్ షోయబ్ బషీర్(Shoaib Bashir) ఒకడు.
ఫస్ట్ క్లాస్ క్రికెట్లో సంచలన ప్రదర్శనతో బషీర్ జాతీయ జట్టులో చోటు దక్కించుకున్నాడు. ప్రస్తుతం ఈ యంగ్స్టర్ యూఏఈలో లయన్స్ జట్టు తరఫున ఇరగదీస్తున్నాడు. తన ఆఫ్ స్పిన్ మాయతో అఫ్గనిస్థాన్ ‘ఏ’ జట్టు టాపార్డర్లో మూడుకు మూడు వికెట్లు పడగొట్టి ఔరా అనిపించాడు.
Shoaib Bashir really impressed during his recent trip on the England Lions training camp, claiming 3/24 from 10 overs against Afghanistan A 👊
3 lovely deliveries….🔥 🔥 #WeAreSomerset #INDvENG pic.twitter.com/vdzeJl7f53
— Somerset Cricket 🏆 (@SomersetCCC) December 11, 2023
అంతేకాదు కేవలం 42 పరుగులే ఇచ్చి 6 వికెట్లు తీసి బషీర్ సత్తా చాటాడు. దాంతో, స్పిన్కు అనుకూలించే భారత పిచ్లపై బషీర్ ప్రభావం చూపిస్తాడని, తమ జట్టు విజయాల్లో కీలకం అవుతాడాని ఇంగ్లండ్ సెలెక్టర్లు భావించారు. టెస్టులు ఆడిన అనుభవం పెద్దగా లేకపోయినా బషీర్ను ఇండియా సిరీస్కు ఎంపికచేశారు.
బెన్ స్టోక్స్(Ben Stokes) సారథ్యంలోని ఇంగ్లిష్ జట్టు వచ్చే ఏడాది జనవరిలో భారత పర్యటనకు రానుంది. ఇరుజట్ల మధ్య జనవరి 25 నుంచి టెస్టు సిరీస్ ప్రారంభం కానుంది. తొలి టెస్టుకు హైదరాబాద్లోని ఉప్పల్ స్టేడియం ఆతిథ్యమివ్వనుంది. ప్రపంచ టెస్టు చాంపియన్షిప్(WTC) రేసులో వెనకబడిన భారత్, ఇంగ్లండ్కు ఈ సిరీస్ కీలకం కానుంది.
ఇంగ్లండ్ టెస్టు జట్టు: బెన్ స్టోక్స్ (కెప్టెన్), జో రూట్, హ్యారీ బ్రూక్, జాక్ క్రాలీ, బెన్ డకెట్, అకిన్సన్, జానీ బెయిర్స్టో, రెహాన్, అండర్సన్, షోయబ్ బషీర్, ఫోక్స్, హర్ట్లీ, జాక్ లీచ్, హోలీ పోప్, రాబిన్సన్, మార్క్ వుడ్.