సీఆర్పీఎఫ్ అమ‌రుల‌కు విరాట్ కోహ్లి నివాళులు

April 4, 2021 / 05:00 PM IST

చెన్నై: ఛ‌త్తీస్‌గ‌ఢ్‌లోని బీజాపూర్ జిల్లాలో న‌క్సల్స్ దాడిలో చ‌నిపోయిన సీఆర్పీఎఫ్ జ‌వాన్ల‌కు నివాళులు అర్పించాడు ఇండియ‌న్ క్రికెట్ టీమ్ కెప్టెన్ విరాట్ కోహ్లి. ఆదివారం ట్విట‌ర్ ద్వారా అత‌డు స్పందించాడు. ఎంతో ధైర్య‌వంతులైన మ‌న జ‌వాన్లు ప్రాణాలు కోల్పోయార‌న్న వార్త పెద్ద విషాదం. వాళ్ల కుటుంబ స‌భ్యుల‌కు నా ప్ర‌గాఢ సానుభూతి అని కోహ్లి ట్వీట్ చేశాడు. ప‌క్కా ప్లాన్ ప్ర‌కారం దేశీ రాకెట్లు, మెషీన్ గ‌న్‌లు, గ్రెనేడ్ లాంచ‌ర్ల‌ను ఉప‌యోగించి భ‌ద్ర‌తా బ‌ల‌గాల‌పై న‌క్స‌ల్స్ దాడి చేసిన సంగ‌తి తెలిసిందే. ఈ దాడిలో 24 మంది జ‌వాన్లు ప్రాణాలు కోల్పోగా.. మ‌రికొంత మంది జాడ తెలియ‌డం లేదు. ఎంతో మంది గాయ‌ప‌డ్డారు. ఏకంగా 400 మంది న‌క్స‌ల్స్ మూడు వైపుల నుంచి ఈ దాడికి తెగ‌బ‌డిన‌ట్లు అధికారులు వెల్ల‌డించారు.

Absolutely tragic to hear about the loss of lives of our brave jawans. My condolences to the bereaved families. 🙏
— Virat Kohli (@imVkohli) April 4, 2021