సినిమా టైటిల్ చెప్పని డైరెక్ట‌ర్‌.. ఎత్తి కుదేసిన న‌టుడు.. వీడియో

April 4, 2021 / 12:30 PM IST

సినిమా టైటిల్ చెబుతావా చెప్ప‌వా అని ఆ న‌టుడు డైరెక్ట‌ర్‌ను అడిగాడు. నేను చెప్ప‌ను అని అన్నాడు ఆ డైరెక్ట‌ర్‌. అంతే ఆగ్ర‌హంతో ఊగిపోయిన ఆ న‌టుడు ఒక్క‌సారి డైరెక్ట‌ర్‌ను గొంతు ప‌ట్టి పైకి ఎత్తి కుదేశాడు. అంతేకాదు ఈ వీడియోను ఇన్‌స్టాగ్రామ్‌లో షేర్ కూడా చేశాడు. ఆ న‌టుడి పేరు సిద్ధాంత్ చ‌తుర్వేది కాగా ఆ డైరెక్ట‌ర్ పేరు శ‌కున్ బాత్రా. అయితే ఇదేదో సీరియ‌స్‌గా జరిగిన వ్య‌వ‌హారం మాత్రం కాదు. ఏదో స‌ర‌దాగా చేసిన ప్ర‌య‌త్నం. ఈ వీడియోను సిద్ధాంత్‌.. ఇన్‌స్టాగ్రామ్‌లో షేర్ చేస్తూ.. మ‌రోసారి విఫ‌ల‌య‌త్నం చేశాను. అప్ప‌టి వ‌ర‌కూ ఈ మూవీని శ‌కున్ బాత్రా త‌ర్వాతి మూవీ అనాల్సిందే అని కామెంట్ చేశాడు.

ఇదే మూవీలో సిద్ధాంత్ ప‌క్క‌న న‌టిస్తున్న క‌త్రినా కైఫ్ కూడా ఈ స‌ర‌దా వీడియోపై స్పందించింది. అయ్యో, సిద్ధాంత్ ఫ్యాన్స్ కూడా టైటిల్ డిమాండ్ చేస్తున్నారు అని ఆమె కామెంట్ చేసింది. అవును మాకు టైటిల్ రివీల్ చేయండి అంటూ కొంద‌రు ఫ్యాన్స్ కామెంట్లు చేశారు. ఈ మూవీలో దీపికా ప‌దుకోన్‌, అన‌న్యా పాండే కూడా న‌టిస్తున్నారు. ఈ మూవీ షూటింగ్ లాక్‌డౌన్ త‌ర్వాత గోవా, ముంబైల‌లో జ‌రిగింది. గ‌తంలో పీకూ, త‌మాషా, లవ్ ఆజ్‌క‌ల్‌లాంటి డిఫ‌రెంట్ జాన‌ర్ మూవీస్ అందించారు శ‌కున్ బాత్రా.