యూపీఎస్‌సీ సివిల్స్‌ మెయిన్స్‌ ఫలితాలు వెల్లడి

సివిల్ సర్వీసెస్-2020 ఫలితాలు వెల్లడయ్యాయి. ఫలితాలను యూనియన్‌ పబ్లిక్‌ సర్వీస్‌ కమిషన్‌ (యూపీఎస్‌సీ) తన అధికారిక వెబ్‌సైట్‌ upsc.gov.in లో ప్రకటించింది.

March 23, 2021 / 08:03 PM IST

యూపీఎస్‌సీ సివిల్స్‌ మెయిన్స్‌ ఫలితాలు వెల్లడి

న్యూఢిల్లీ : సివిల్ సర్వీసెస్-2020 ఫలితాలు వెల్లడయ్యాయి. ఫలితాలను యూనియన్‌ పబ్లిక్‌ సర్వీస్‌ కమిషన్‌ (యూపీఎస్‌సీ) తన అధికారిక వెబ్‌సైట్‌ upsc.gov.in లో ప్రకటించింది. 2021 జనవరి 8 నుంచి 17 వరకు రాతపరీక్ష నిర్వహించారు.

రాత పరీక్షకు హాజరైన, అర్హత సాధించిన అభ్యర్థులందరూ ఇండియన్ అడ్మినిస్ట్రేటివ్ సర్వీస్, ఇండియన్ ఫారిన్ సర్వీస్, ఇండియన్ పోలీస్ సర్వీస్ తోపాటు ఇతర సెంట్రల్ సర్వీసెస్ (గ్రూప్ ‘ఏ’ ‘బీ’) ఉద్యోగాల ఎంపికకు తీసుకుంటారు.

Upsc.gov.in హోమ్ పేజీలో అందుబాటులో ఉన్న యూపీఎస్‌సీ సివిల్ సర్వీసెస్ ఫలితం 2020 లింక్‌పై క్లిక్ చేయడం ద్వారా ఫలితాను వీక్షించవచ్చు.

ఇంటర్వ్యూకు అర్హత ఉన్న అభ్యర్థులందరూ 2021 మార్చి 25 నుంచి ఏప్రిల్ 5 వరకు అధికారిక వెబ్‌సైట్‌లో లభించే వివరణాత్మక దరఖాస్తు ఫారంను నింపి సమర్పించాల్సి ఉంటుంది.

ఎంపికైన అభ్యర్థుల పర్సనాలిటీ టెస్టులు (ఇంటర్వ్యూలు) త్వరలో ప్రారంభమవుతాయి. ఇవి న్యూఢిల్లీ షాజహాన్ రోడ్ లోని ధోల్పూర్ హౌస్‌లో ఉన్న యూనియన్ పబ్లిక్ సర్వీస్ కమిషన్ కార్యాలయంలో జరుగుతాయి.

అభ్యర్థుల ఈ-సమ్మన్ లెటర్స్ ఆఫ్ పర్సనాలిటీ టెస్ట్ (ఇంటర్వ్యూలు) త్వరలో యూపీఎస్‌సీ అధికారిక సైట్లో అందుబాటులో ఉంచనున్నారు.