నేటి నుంచి తిరుమలలో హనుమాన్‌ జయంతి ఉత్సవాలు

నేటి నుంచి తిరుమలలో హనుమాన్‌ జయంతి ఉత్సవాలు | నేటి నుంచి ఐదు రోజుల పాటు తిరుమలలో హనుమాన్‌ జయంతి ఉత్సవాలు జరుగనున్నాయి. తిరుమల గిరుల్లోని అంజనాద్రిని హనుమంతుడిని జన్మస్థలంగా ప్రకటించిన తర్వాత తొలిసారిగా వేడుకలను నిర్వహించేందుకు టీటీడీ అన్ని ఏర్పాట్లు చేసింది.

తిరుమల : నేటి నుంచి ఐదు రోజుల పాటు తిరుమలలో హనుమాన్‌ జయంతి ఉత్సవాలు జరుగనున్నాయి. తిరుమల గిరుల్లోని అంజనాద్రిని హనుమంతుడిని జన్మస్థలంగా ప్రకటించిన తర్వాత తొలిసారిగా వేడుకలను నిర్వహించేందుకు టీటీడీ అన్ని ఏర్పాట్లు చేసింది. శుక్రవారం నుంచి ఈ నెల 8వ తేదీ వరకు ఉత్సవాలు జరుగనున్నాయి. ఈ సందర్భంగా బాల హనుమ, అంజనాదేవి ఆలయంలో ప్రత్యేక పూజలు నిర్వహిస్తామని, ఒక్కో రోజు ఒక్కో రకం పుష్పాలతో ఆంజనేయుడికి అభిషేకం, అర్చన నిర్వహించనున్నట్లు టీటీడీ పేర్కొంది. ఆకాశగంగ తీర్థంలో ప్రత్యేక కార్యక్రమాలు జరుగనున్నాయి.

ప్రతిరోజు మధ్యాహ్నం 2 నుంచి 3 గంటల వరకు హనుమాన్ చాలీసా పారాయణం జరుగనుంది. ఉత్సవాల్లో తొలిరోజు మధ్యాహ్నం 3 నుంచి 4 గంటల వరకు డాక్టర్ రాణి సదాశివమూర్తి చే హనుమంతుడు, అష్టసిద్ధులు అనే అంశంపై నేటి పరిస్థితులకు అనుగుణమైన విధంగా సవివర వ్యాఖ్యానం ఉంటుందని టీటీడీ పేర్కొంది. తిరుమలకు వచ్చే యాత్రికులు కొవిడ్ నిబంధనలు పాటిస్తూ వేడుకల్లో పాల్గొనడానికి అనుమతి ఇవ్వనున్నట్లు తెలిపింది.

ఇవి కూడా చదవండి..

బలవంతపు ఆమోదం కోసమే..

ఫేక్‌ న్యూస్‌పై ఫిర్యాదుకు 87997 11259

నేడు రక్షణశాఖ సమావేశం.. ప్రాజెక్టు-75పై చర్చ

ఫ్యాక్టరీ నుంచి గ్యాస్‌ లీక్‌.. భయాందోళనకు గురైన స్థానికులు

కరోనాతో 624 మంది వైద్యుల మృతి