‘మహారాష్ట్ర లాక్‌డౌన్ మ‌రో 15 రోజులు పొడ‌గింపు’: మంత్రి రాజేష్ తోపే

రాష్ట్రంలో కరోనావైరస్ పాజిటివ్‌ కేసులతోపాటు మరణాలు కూడా పెరుగుతుండ‌టంతో లాక్‌డౌన్‌ను మ‌రో 15 రోజులు పొడ‌గించే అవ‌కాశాలు ఉన్న‌ట్లు మహారాష్ట్ర ఆరోగ్య మంత్రి రాజేష్ తోపే బుధవారం చెప్పారు

April 28, 2021 / 09:19 PM IST

‘మహారాష్ట్ర లాక్‌డౌన్ మ‌రో 15 రోజులు పొడ‌గింపు’: మంత్రి రాజేష్ తోపే

ముంబై : రాష్ట్రంలో కరోనావైరస్ పాజిటివ్‌ కేసులతోపాటు మరణాలు కూడా పెరుగుతుండ‌టంతో లాక్‌డౌన్‌ను మ‌రో 15 రోజులు పొడ‌గించే అవ‌కాశాలు ఉన్న‌ట్లు మహారాష్ట్ర ఆరోగ్య మంత్రి రాజేష్ తోపే బుధవారం చెప్పారు. ప్రజల కదలికలపై కఠినమైన నియంత్రణలు, ఇతర కార్యకలాపాలు ఏప్రిల్ 14 నుంచి రాష్ట్రంలో అమలులో ఉన్నాయి. ఈ నిబంధ‌న‌లు ఏప్రిల్ 30 తో ముగియనున్నాయి.

ముఖ్యమంత్రి ఉద్దవ్ ఠాక్రే అధ్యక్షతన జరిగిన సమావేశంలో పాల్గొన్న మంత్రివర్గ సభ్యులందరూ లాక్‌డౌన్‌ పొడిగింపు చేప‌ట్టాల్సిందే అని సూచించారు. “ప్రస్తుత కొవిడ్‌-19 పరిమితులను రాబోయే 15 రోజులు పొడిగించాలని మహారాష్ట్ర క్యాబినెట్ సభ్యులందరూ అభిప్రాయపడుతున్నారు” అని క్యాబినెట్‌ స‌మావేశం అనంత‌రం మంత్రి తోపే మీడియాతో చెప్పారు. మ‌హారాష్ట్ర‌లో నేడు రోజువారీ కేసుల సంఖ్య 60,000 కుపైగా న‌మోద‌య్యాయని, రోజువారీ కేసులు 70,000 దాటవచ్చని మేం ముందే ఊహించినా అది జరగలేదన్నారు. కేంద్రం సూచించిన‌ట్లుగా 18 ఏండ్ల వ‌య‌సు పైబ‌డిన వారందరికీ టీకాలు వేయ‌లాని క్యాబినెట్ స‌మావేశంలో ముఖ్య‌మంత్రి ఉద్ద‌వ్ ఠాక్రే నిర్ణ‌యించారు అని రాజేష్ తోపే వెల్ల‌డించారు.