వ్యాక్సిన్ తీసుకున్న అమెరికన్లకు శుభవార్త‌.. ఇక మాస్కులు లేకుండా తిర‌గొచ్చు

అమెరికాలో టీకా డోసుల‌ను పూర్తిగా తీసుకున్న వారికి శుభ‌వార్త‌..! ఇక‌పై వారు మాస్కులు ధ‌రించ‌కుండానే బ‌య‌ట తిరుగొచ్చు. ఈ మేర‌కు కొత్త మార్గ‌ద‌ర్శ‌కాల‌ను యూఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) జారీ చేసింది.

April 28, 2021 / 05:39 PM IST

వ్యాక్సిన్ తీసుకున్న అమెరికన్లకు శుభవార్త‌.. ఇక మాస్కులు లేకుండా తిర‌గొచ్చు

న్యూయార్క్ : అమెరికాలో టీకా డోసుల‌ను పూర్తిగా తీసుకున్న వారికి శుభ‌వార్త‌..! ఇక‌పై వారు మాస్కులు ధ‌రించ‌కుండానే బ‌య‌ట తిరుగొచ్చు. ఈ మేర‌కు కొత్త మార్గ‌ద‌ర్శ‌కాల‌ను యూఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) జారీ చేసింది. అమెరికాలో ఇప్ప‌టివ‌ర‌కు పెద్ద వారిలో 40 శాతం మందికి టీకా డోసులు పూర్తిగా ఇచ్చిన‌ట్లు అక్క‌డి గ‌ణాంకాలు చెప్తున్నాయి.

మంగళవారం రాత్రి పొద్దుపోయిన త‌ర్వాత సీడీసీ కొత్త మార్గదర్శకాల‌ను విడుద‌ల చేసింది. కరోనా వ్యాక్సిన్ పూర్తి మోతాదు తీసుకున్న వ్యక్తులు మాత్ర‌మే ఇకపై ఇంటి లోపల లేదా ఇంటి బ‌య‌ట మాస్కులు త‌ప్ప‌నిస‌రిగా ధరించాల్సిన అవసరం లేదని మార్గ‌ద‌ర్శ‌కాల్లో స్పష్టంగా పేర్కొన్నారు. టీకా పూర్తి మోతాదు తీసుకున్న వ్యక్తులు ఒంటరిగా లేదా కుటుంబ సభ్యులతో మోటారు సైకిళ్ళు లేదా కాలినడకన బయటకు వెళ్ళినప్పుడు మాస్కులు ధ‌రించాల్సిన అవసరం లేదు. వారు పూర్తి టీకాలు తీసుకున్న‌ ఇతరులతో క‌లిసి క్లోజ్డ్ స్టేడియంలలో లేదా ఇతర క్లోజ్డ్ ప్రదేశాల్లోగానీ మాస్కులు లేకుండా వెళ్ళవచ్చు. అలాగే, పూర్తిగా టీకాలు తీసుకున్న వారు ఇండోర్ కార్యకలాపాల కోసం, క్షౌరశాలలకు వెళ్ళడానికి అనుమతించారు. అయితే, ఎక్కువ మొత్తంలో జ‌నం గుమిగూడితే మాత్రం ముందస్తు ర‌క్ష‌ణ చ‌ర్య‌గా మాస్కులు ధ‌రించ‌డం, నిర్ణీత భౌతిక దూరం పాటించ‌డం అల‌వ‌ర్చుకోవాల‌ని మార్గ‌ద‌ర్శ‌కాల్లో పేర్కొన్నారు.

ఇక టీకా మందులు తీసుకోని వ్యక్తులు మాస్కులు ధ‌రించ‌డం కొన్ని పరిస్థితులలో తప్పా మాస్కులు ధ‌రించాల‌ని మార్గ‌ద‌ర్శ‌కాల్లో సూచించింది. మార్గదర్శకాల ప్రకారం.. ఫైజర్, మొర్దానా, జాన్సన్ టీకాలు తీసుకోని వ్యక్తులు బహిరంగ కార్యక్రమానికి మాస్కులు త‌ప్ప‌కుండా ధ‌రించాలి. రెస్టారెంట్లలో మాస్కులు ధరించాల్సిందేన‌ని సీడీసీ పేర్కొన్న‌ది. ప్రజలు తమను , ఇతరులను రక్షించడానికి ఈ సమాచారాన్ని వ్యక్తిగత బాధ్యతగా ఉపయోగించాలని సీడీసీ డైరెక్టర్ రోషెల్ వాలెన్స్కీ సూచించారు.