బ్రెగ్జిట్ తర్వాత వాణిజ్య ఒప్పందాన్ని ఆమోదించిన ఈయూ ఎంపీలు

బ్రెగ్జిట్‌ తర్వాత బ్రిటన్-యూరోపియన్ యూనియన్ మధ్య వాణిజ్య ఒప్పందాలను యూరోపియన్ చట్టసభ సభ్యులు ఆమోదించారు

April 28, 2021 / 05:20 PM IST

బ్రెగ్జిట్ తర్వాత వాణిజ్య ఒప్పందాన్ని ఆమోదించిన ఈయూ ఎంపీలు

బ్రస్సెల్స్: బ్రెగ్జిట్ తర్వాత బ్రిటన్-యూరోపియన్ యూనియన్ మధ్య వాణిజ్య ఒప్పందాలను యూరోపియన్ చట్టసభ సభ్యులు ఆమోదించారు. బ్రెగ్జిట్ ను విడిచిపెట్టాలని బ్రిటన్ నిర్ణయం తీసుకున్న ఐదేండ్ల‌ తర్వాత చేసుకుంటున్న‌ వాణిజ్య ఒప్పందానికి ఈయూ గ్రీన్ సిగ్న‌ల్ ఇచ్చిన‌ట్లుగా తెలుస్తున్న‌ది. ఇప్పటికే యూకే పార్లమెంటులో దీనికి ఆమోదం ల‌భించింది. ఇప్పటి వరకు యూరోపియన్ పార్లమెంటు ఆమోదం కోసం ఎదురుచూశారు. యూరోపియన్ పార్లమెంటులోని ఎంపీలు యూకే ప్రభుత్వం, యూరోపియన్ యూనియన్ మధ్య కుదిరిన ఒప్పందానికి అనుకూలంగా మంగ‌ళ‌వారం ఓటు వేశారు. యూనియన్‌లో బ్రిటన్ చేరినట్లు ఫలితాన్ని బుధవారం ఉదయం ప్రకటించారు.

గత ఏడాది డిసెంబర్ 30 న యూరోపియన్ నాయకులు యూకే-యురోపియ‌న్ యూనియ‌న్ మ‌ధ్య‌ వాణిజ్య, సహకార ఒప్పందంగా బ్రెగ్జిట్ వాణిజ్య ఒప్పందంపై సంతకం చేశారు. ఈ ఒప్పందంపై యూరోపియన్ కమిషన్ చైర్ ఉర్సులా వాన్ డెర్ లేయన్, యూరోపియన్ కౌన్సిల్ అధ్యక్షుడు చార్లెస్ మిచెల్ సంతకం చేశారు. బ్రిటన్ ప్రధాని బోరిస్ జాన్సన్ కూడా లండన్‌లో ఈ ఒప్పందంపై సంతకం చేశారు. నాలుగు నెల‌ల ఎదురుచూపుల అనంత‌రం ఈ ఆమోదానికి ఈయూ ఎంపీలు ఆమోదం తెలుప‌డంతో బ్రిట‌న్ హ‌ర్షం వ్య‌క్తం చేసింది.