సోమ‌రిపోతు ఏనుగు.. నవ్వు తెప్పిస్తోంది..! వీడియో వైర‌ల్‌

June 3, 2021 / 02:56 PM IST

శిక్ష‌ణ పొందిన జంతువులు మ‌నం చెప్పిన‌ట్లు న‌డుచుకుంటుంటాయి. అందునా కుక్క‌లు, గుర్రాలు, ఏనుగులు మ‌రింత బాగా ప‌నిచేస్తుంటాయి. మ‌నం ఏం చెప్పినా ఇట్టే ప‌ట్టేస్తుంటాయి. అయితే, కొన్ని సోమ‌రిత‌నంతో ఉన్న ఏనుగులు వాటి చేష్ఠ‌ల‌తో మ‌న‌కు న‌వ్వు తెప్పిస్తుంటాయి. అలాంటి ఒక ఏనుగు కెన్యాలోని అనాధ‌ శిబిరంలో త‌న సోమ‌రిత‌నంతో నీళ్లు తాగుతూ.. వావ్ వాటే లేజీ ఎలీఫెంట్‌..! అని అనుకునేలా చేస్తున్న‌ది.

షెల్డ్రిక్ వైల్డ్‌లైఫ్ ట్రస్ట్ కెన్యాలో అనాధ ఏనుగుల రక్షణ, వన్యప్రాణుల పునరావాస కార్యక్రమాల‌ను నిర్వహిస్తున్న‌ది. వీరి ఆల‌న‌లో ప‌లు జంతువులు ర‌క్షణ పొందుతున్నాయి. అయితే, ఈ పున‌రావాస కేంద్రంలో ఉన్న లెమెకి అనే గున్న ఏనుగు ఒక‌టి నీరు తాగేందుకు కూడా ఎంత సోమ‌రిత‌నం ప్ర‌ద‌ర్శిస్తుందో చూసేవాళ్ల‌కు న‌వ్వు తెప్పిస్తున్న‌ది. అక్క‌డ ప‌నులు చేస్తున్న ప్రాంతంలోని నీటి పైపును తొండంతో లేపి నోట్లో దోపుకుని నీళ్లు తాగుతుంది. క‌నీసం పైపును తొండంతో ప‌ట్టుకోవ‌డానికి కూడా ఈ ఏనుగుకు బ‌ద్ధ‌కం. కింద ప‌డుతున్న ప్ర‌తిసారీ పైపును తొండంతో నోట్లోకి దోపుకుంటోంది కానీ తొండం సాయం మాత్రం తీసుకోవ‌డం లేదు.

ఈ సోమ‌రిపోతు ఏనుగు వీడియోను షెల్డ్రిక్ వైల్డ్‌లైప్ వారు సోష‌ల్ మీడియాలో పోస్ట్ చేయ‌గా.. ఒక్క రోజులోనే వేల‌ల్లో లైక్‌లు వ‌చ్చాయి. మ‌రెంతో మంది రీట్వీట్ చేశారు. ఈ వీడియోను చూస్తూ ప‌లువురు నెటిజెన్లు స‌ర‌దాగా కామెంట్లు పెడుతున్నారు.. ఒక‌రేమో.. లేజీ ఎలీఫెంట్ కాదు.. ఇంటెలీజెంట్ ఎలీఫెంట్‌.. అని, క్లెవ‌ర్ గ‌ర్ల్ అని.. కామెంట్లు పెడుతున్నారు.

Rescued orphan Lemeki is taking the lazy (read: sensible) approach to drinking. She is an orphan in our care that was saved from a raging river. To see her now, with her stubby tusks poking through, is a reminder of how far she's come: https://t.co/41gbnvwpt9 pic.twitter.com/NesFpe0Wkp
— Sheldrick Wildlife (@SheldrickTrust) June 2, 2021