సింహాల‌తో కొట్లాడి పిల్ల‌ను ద‌క్కించుకున్న బర్రె.. వీడియో వైర‌ల్‌

కోడి త‌న పిల్లల్ని రెక్క‌ల కింద పెట్టుకుని కాపాడిన‌ట్లే స‌మ‌స్త జీవ‌కోటి త‌న పిల్లల ర‌క్ష‌ణ‌లో ఎప్పుడూ త‌ల్లులు ముందుంటాయి. ఆపాయం ఎదురైనా పిల్లల ర‌క్ష‌ణ‌లో వాటిని పట్టించుకోరు. అలాంటి త‌ల్లి ప్రేమ వీడియో ఒక‌టి సోష‌ల్ మీడియాలో వైర‌ల్‌గా మారింది.

June 16, 2021 / 06:12 PM IST

సింహాల‌తో కొట్లాడి పిల్ల‌ను ద‌క్కించుకున్న బర్రె.. వీడియో వైర‌ల్‌

పిల్లల‌కు ఎలాంటి ఆప‌ద రాకుండా సాకుతుంది త‌ల్లి. ఇది మ‌నుషుల్లోనే కాదు.. ప‌శుప‌క్షాదుల్లో కూడా త‌ల్లి ప్రేమ ఒకేలా ఉంటుంది. కోడి త‌న పిల్లల్ని రెక్క‌ల కింద పెట్టుకుని కాపాడిన‌ట్లే స‌మ‌స్త జీవ‌కోటి త‌న పిల్లల ర‌క్ష‌ణ‌లో ఎప్పుడూ త‌ల్లులు ముందుంటాయి. ఆపాయం ఎదురైనా పిల్లల ర‌క్ష‌ణ‌లో వాటిని పట్టించుకోరు. అలాంటి త‌ల్లి ప్రేమ వీడియో ఒక‌టి సోష‌ల్ మీడియాలో వైర‌ల్‌గా మారింది.

ఈ వీడియోలో ఒక బ‌ర్రె త‌న పిల్ల‌ను సింహాల బారి నుంచి కాపాడుకోవ‌డానికి వాటితో ఎంత‌గా పోరాడింది మ‌న క‌ళ్ల‌కు క‌ట్టిన‌ట్లుగా క‌నిపిస్తున్న‌ది. త‌ల్లితో వెళ్తున్న దూడ‌ను వెన‌క నుంచి అక‌స్మాత్తుగా వ‌చ్చిన సింహాల గుంపు దాడి చేసి అమాంతం నోట క‌రుచుకుని వెళ్లిపోయింది. సింహం నోటికి చిక్కి అరుస్తున్న బిడ్డ అరుపు విన్న‌ త‌ల్లి బ‌ర్రె.. సింహాన్ని వెంబ‌డించింది. ఒంట‌రిగా మిగ‌తా సింహాలు, పులుల‌ను త‌రుముతూ వెళ్లి త‌న బిడ్డ‌ను ర‌క్షించుకున్న‌ది. ఆరేడు సింహాలు, పులుల మ‌ధ్య తాను చావ‌డం ఖాయ‌మ‌ని తెలిసినా.. బిడ్డ‌ను కాపాడుకోవాల‌న్న త‌ప‌న‌తో ధైర్యంగా ముంద‌డుగేసింది.. బిడ్డ‌ను కాపాడుకుంది.

Mother’s courage👌
Shared by NIFL pic.twitter.com/V7kjvOLv5f
— Susanta Nanda IFS (Retd) (@susantananda3) June 8, 2021

నమ్మశక్యం కాని ఈ వీడియోను ట్విట్టర్‌లో ఐఎఫ్‌ఎస్ అధికారి సుశాంత్ నందా షేర్ చేశారు. దీనికి “తల్లి ధైర్యం” అని కాప్ష‌న్‌ పెట్టారు. ఈ వీడియోను షేర్ చేసిన‌ప్ప‌టి నుంచి ఇప్ప‌టి వ‌ర‌కు దాదాపు 3ల‌క్ష‌ల మంది వీక్షించారు. 500 కంటే ఎక్కువ రీట్వీట్లు వ‌చ్చాయి. త‌ల్లిప్రేమ‌పై ర‌క‌ర‌కాలుగా నెటిజెన్లు కామెంట్లు పోస్ట్ చేశారు.