బ్లాక్ గేమ్స్ రొచ్చు : హనీట్రాప్‌లో రాజ‌కీయ నేత‌లు, పారిశ్రామిక‌వేత్త‌లు

లాక్‌డౌన్ నేప‌థ్యంలో కొత్త కొత్త నేరాలు క‌నిపిస్తున్నాయి. వీటిలో ముఖ్యంగా హనీట్రాప్ అనే బ్లాక్ గేమ్ ఒక‌టి. ఈ కూపంలో చిక్కుకున్న ప‌లువురు రాజ‌కీయ నేత‌లు, పారిశ్రామిక‌వేత్త‌లు కోట్లు కోల్పోయారు. లాక్‌డౌన్ స‌మ‌యంలో ఇంటి కేసులు వంద‌ల్లో వెలుగులోకి వ‌స్తున్నాయి

June 16, 2021 / 04:58 PM IST

బ్లాక్ గేమ్స్ రొచ్చు : హనీట్రాప్‌లో రాజ‌కీయ నేత‌లు, పారిశ్రామిక‌వేత్త‌లు

ముంబై : లాక్‌డౌన్ నేప‌థ్యంలో కొత్త కొత్త నేరాలు క‌నిపిస్తున్నాయి. వీటిలో ముఖ్యంగా హనీట్రాప్ అనే బ్లాక్ గేమ్ ఒక‌టి. ఈ కూపంలో చిక్కుకున్న ప‌లువురు రాజ‌కీయ నేత‌లు, పారిశ్రామిక‌వేత్త‌లు కోట్లు కోల్పోయారు. లాక్‌డౌన్ స‌మ‌యంలో ఇంటి కేసులు వంద‌ల్లో వెలుగులోకి వ‌స్తున్నాయి. ప‌రువు పోతుంద‌న్న భ‌యంతో చాలా మంది పోలీసుల‌కు ఫిర్యాదు చేసేందుకు వెన‌క‌డుగు వేస్తున్నారు.

హలో అంటూ ఒక అమ్మాయి తీయ‌గా మాట్లాడే స‌రికి ఓ రాజ‌కీయ నాయకుడు మాట క‌లిపాడు. స్నేహంతో ప్రారంభ‌మై వారు ప్రేమ‌లో ప‌డిపోయారు. ప్రేమ పేరుతో స‌ద‌రు యువ‌తి ఆ నాయ‌కుడితో అశ్లీలంగా ఉండి మాట్లాడ‌టం, కుళ్లు జోకులు వేసుకుంటూ బూతులు మాట్లాడటాన్ని యువ‌తికి చెందిన వారే రికార్డ్ చేసి స‌ద‌రు నాయ‌కుడిని బ్లాక్‌మెయిల్ చేయ‌డం ప్రారంభించారు. వారు చెప్పిన‌ట్లు ల‌క్ష వ‌ర‌కు ముట్ట‌జెప్పాడు. ఇక బ‌య‌ట‌ప‌డటం త‌న వ‌ల్ల కాద‌ని తెలుసుకుని సైబ‌ర్ క్రైమ్ పోలీసుల‌ను ఆశ్ర‌యించి ఫిర్యాదు చేశాడు. ఇలా హ‌నిట్రాప్ ముఠా బ్లాక్ మెయిలింగ్‌కు గురైన ఈయ‌నొక్క‌డే కాదు. మరెంద‌రో ఉన్నారు. పారిశ్రామిక‌వేత్త‌లు, ఐటీ ఉద్యోగులు వీరి వ‌ల‌కు చిక్కుకుని ల‌క్ష‌లు కోల్పోయారు.

దేశ‌వ్యాప్తంగా ఇలాంటి రొచ్చు వ్యాపారం బాగానే జ‌రిగిన‌ట్లు సైబ‌ర్ క్రైమ్ పోలీసుల‌కు అందుతున్న ఫిర్యాదుల‌ను బ‌ట్టి తెలుస్తున్న‌ది. రాజ‌స్థాన్ మొద‌లుకొని కేర‌ళ వ‌రకు ఎంద‌రో హ‌నిట్రాప్ ఉచ్చుకు చిక్కి విల‌విల్లాడారు. సోషల్ మీడియాలో తెలియని అభ్యర్థనలను అంగీకరించవద్ద‌ని, ఎవరైనా మిమ్మల్ని బ్లాక్ మెయిల్ చేస్తున్న‌ట్ల‌యితే వెంటనే ఫిర్యాదు చేయాల‌ని అన్ని రాష్ట్రాల పోలీసులు విజ్ఞ‌ప్తి చేస్తున్నా.. అమ్మాయిల ఫోన్ కాల్ అనేస‌రికి అన్నీ మ‌రిచిపోయి మ‌రో బ‌క‌రాగా మారుతున్నారు. దాంతో ఈ బ్లాక్ గేమ్స్ రొచ్చు మూడు పూవులు ఆరు కాయ‌లుగా విరాజిల్లుతున్న‌ది. అదేవిధంగా మోస‌పోతున్న‌వారు గొప్పింటివారు కావ‌డం, స‌మాజంలో పేరున్న‌వారు కావ‌డం వ‌ల్ల.. పోలీసుల‌కు ఫిర్యాదు చేయ‌డం లేదు. వీరి భ‌యం బ్లాక్‌గేమ్స్ ఆడేవాళ్ల‌కు వ‌రంగా మారుతున్న‌ది.