Watch: పొలంలో నిద్రిస్తున్న కూలీలపై దాడికి చిరుత యత్నం.. తర్వాత ఏం జరిగిందంటే?

Leopard try to attack sleeping workers | వ్యవసాయ పనులు చేసి అలిసిపోయిన కూలీలు పొలంలో నిద్రించారు. రాత్రి వేళ ఒక పులి వారిని సమీపించింది. ఆ కూలీలపై దాడికి అది ప్రయత్నించింది. అయితే కారులో వెళ్తున్న ఒక వ్యక్తి దీనిని గమనించాడు.

ముంబై: వ్యవసాయ పనులు చేసి అలిసిపోయిన కూలీలు పొలంలో నిద్రించారు. రాత్రి వేళ ఒక పులి వారిని సమీపించింది. ఆ కూలీలపై దాడికి అది ప్రయత్నించింది. అయితే కారులో వెళ్తున్న ఒక వ్యక్తి దీనిని గమనించాడు. హారన్ మోగించడంతో పాటు తన వాహనంతో ఆ చిరుతను తరిమిగొట్టాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. (Leopard try to attack sleeping workers) మహారాష్ట్రలోని గోండియా జిల్లాలో ఈ సంఘటన జరిగింది. ఆ జిల్లాలో ప్రస్తుతం వరి కోత, పంట నూర్పిళ్ల సీజన్ మొదలైంది. పంజాబ్‌కు చెందిన కొందరు కూలీలు యంత్రాలతో అక్కడకు చేరుకుని వ్యవసాయ పనులు చేస్తున్నారు. నవేగావ్‌బంద్ నేషనల్ పార్క్ ప్రాంతంలోని అటవీ శాఖ కాలనీ సమీపంలో శిబిరాలు ఏర్పాటు చేసుకుని వారు ఉంటున్నారు.

కాగా, రోజంతా వ్యవసాయ పనులు చేసిన కొందరు కూలీలు రాత్రి భోజనం తర్వాత పొలంలో నిద్రించారు. ఒక చిరుత అక్కడకు చేరుకున్నది. ఆరుబయట నిద్రిస్తున్న కూలీలను అది గమనించింది. మెల్లగా వారిని సమీపించసాగింది.

అయితే మనీష్ అనే వ్యక్తి తన స్నేహితులతో కలిసి కారులో వెళ్తున్నాడు. ఆరు బయట నిద్రిస్తున్న కూలీలపై దాడి కోసం చిరుత వారిని సమీపించడాన్ని అతడు గమనించాడు. అప్రమత్తమైన మనీష్‌, కారు హారన్‌ను పదేపదే మోగించాడు. అలాగే తన వాహనంతో ఆ చిరుతను వెంబడించాడు. కారు దగ్గరగా రావడంతో భయపడిన ఆ చిరుత అక్కడి నుంచి పారిపోయింది. దీంతో అలిసి గాఢ నిద్రలో ఉన్న ఆ కూలీలకు పెను ప్రమాదం తప్పింది.

మరోవైపు చిరుత సంచారం నేపథ్యంలో వలస కార్మికులు రాత్రి వేళ తగిన జాగ్రత్తలు తీసుకోవాలని, ఆరు బయట నిద్రించవద్దని అటవీ శాఖ అధికారులు సూచించారు. అయితే కారులోని వ్యక్తులు మొబైల్‌ ఫోన్‌లో రికార్డ్‌ చేసిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

A chilling encounter near Navegaonbandh National Park in Maharashtra’s Gondia district saw a leopard approach sleeping farm workers in the darkness. Alert driver Manish Nevare reportedly spotted the big cat and repeatedly honked his car horn, frightening the animal and preventing a potentially dangerous encounter with the unsuspecting labourers.

#Leopard #Maharashtra #Gondia #ViralVideo #Wildlife #NavegaonbandhNationalPark

— The Daily Jagran (@TheDailyJagran) October 26, 2026