అంతరిక్ష కేంద్రంతో ఢీకొన్న శిధిలం.. రోబోటిక్ చేయికి నష్టం

అంతరిక్షంలో శిధిలాలు ఇప్పుడు శాటిలైట్ల‌కు ప్ర‌మాదంగా మారుతున్నాయి. ఇలాంటి శిధిలం ఒక‌టి అంతర్జాతీయ అంతరిక్ష కేంద్రం (ఐఎస్ఎస్‌) యొక్క‌ రోబోటిక్ చేయితో ఢీకొన్న‌ది. ఈ సమాచారాన్ని కెనడియన్ స్పేస్ ఏజెన్సీ షేర్ చేసింది

June 2, 2021 / 07:19 PM IST

అంతరిక్ష కేంద్రంతో ఢీకొన్న శిధిలం.. రోబోటిక్ చేయికి నష్టం

టొరంటో : అంతరిక్షంలో శిధిలాలు ఇప్పుడు శాటిలైట్ల‌కు ప్ర‌మాదంగా మారుతున్నాయి. ఇలాంటి శిధిలం ఒక‌టి అంతర్జాతీయ అంతరిక్ష కేంద్రం (ఐఎస్ఎస్‌) యొక్క‌ రోబోటిక్ చేయితో ఢీకొన్న‌ది. ఈ సమాచారాన్ని కెనడియన్ స్పేస్ ఏజెన్సీ షేర్ చేసింది. శిధిలం తాకిడి కారణంగా అంతరిక్ష కేంద్రం యొక్క రోబోటిక్ చేయి దెబ్బతిన్నట్లు తెలిపింది. శిధిలం రోబోటిక్ చేయి థర్మల్ బ్లాంకెంట్‌తో ఢీకొనడంతో దానికి నష్టం వాటిల్లిందని అంతరిక్ష సంస్థ తెలిపింది. దెబ్బ‌తిన్న రోబోటిక్ చేయి అంతరిక్ష కేంద్రంలో 20 సంవత్సరాలుగా సేవ‌లందిస్తున్న‌ది.

కెన‌డియ‌న్ అంతరిక్ష సంస్థ ప్రకారం, మే 12 న దర్యాప్తు జ‌రిపిన‌ప్పుడు ఈ సంఘటన గురించి అంతరిక్ష శాస్త్రవేత్తలు తెలుసుకున్నారు. అయితే, రోబోటిక్ చేయిపై గణనీయమైన ప్రభావాన్ని చూపలేదని, బాగానే పనిచేస్తుందని కూడా కనుగొన్నారు. శిధిలం ఢీకొట్ట‌డంతో రోబోటిక్ చేయిలో ఒక రంధ్రం ఏర్ప‌డింది. ఈ రోబోటిక్ చేయి పొడవు 17.6 మీటర్లు. దీని వ్యాసం 14 అంగుళాలు. చేయికి ఏర్ప‌డిన రంధ్ర యొక్క ఖచ్చితమైన పరిమాణాన్ని వెల్లడించలేదు.

ఈ రోబోటిక్ చేయి భూమి నుంచి పంపిన అంతరిక్ష నౌకను పట్టుకోవడానికి పనిచేస్తుంది. ఇది కాకుండా, అంతరిక్ష నడక సమయంలో అంతరిక్ష శాస్త్రవేత్తలకు కూడా ఇది సహాయపడుతుంది. దీనిని కెనడియన్ స్పేస్ ప్రోగ్రాం కింద నిర్మించారు. అంతరిక్షంలో అనియంత్రితంగా కదిలే ఈ శిధిలాలు, గ్రహశకలాలు, ఇతర వస్తువుల‌తో అంత‌ర్జాతీయ అంత‌రిక్ష కేంద్రానికి ఇబ్బందులు ఉన్న‌ట్లు శాస్త్ర‌వేత్త‌లు గుర్తించారు.