Pradeep Guha : మీడియా ఐకాన్‌ ప్రదీప్‌ గుహా కన్నుమూత

Pradeep Guha : మీడియా ఐకాన్‌గా చెప్పుకునే 9X మీడియా మేనేజింగ్ డైరెక్టర్, టైమ్స్ ఆఫ్ ఇండియా గ్రూప్ మాజీ ప్రెసిడెంట్ ప్రదీప్ గుహా కన్నుమూశారు. ఆయన కొంతకాలంగా కాలేయ క్యాన్సర్‌తో ...

August 21, 2021 / 07:45 PM IST

Pradeep Guha : మీడియా ఐకాన్‌ ప్రదీప్‌ గుహా కన్నుమూత

ముంబై: మీడియా ఐకాన్‌గా చెప్పుకునే 9X మీడియా మేనేజింగ్ డైరెక్టర్, టైమ్స్ ఆఫ్ ఇండియా గ్రూప్ మాజీ ప్రెసిడెంట్ ప్రదీప్ గుహా (Pradeep Guha) కన్నుమూశారు. ఆయన కొంతకాలంగా కాలేయ క్యాన్సర్‌తో పోరాడుతున్నారు. 60 ఏండ్ల వయసులో ఉన్న గుహాను శుక్రవారం ఉదయం ముంబైలోని కోకిలాబెన్ అంబానీ దవాఖానలో చేర్చి వెంటిలేటర్‌పై ఉంచారు. ఆయనకు భార్య పాపియా గుహా, కుమారుడు సంకేత్ ఉన్నారు. ఆయన మరణవార్తను కుటుంబసభ్యులు మీడియాకు విడుదల చేశారు.

టైమ్స్ గ్రూప్‌లో దాదాపు మూడు దశాబ్దాల పాటు ప్రదీప్‌ గుహా సేవలందించారు. గ్రూప్ వైస్ ఛైర్మన్ సమీర్ జైన్ నాయకత్వంలో 1980 ల చివరి నుంచి బీసీసీఎల్‌ అభివృద్దిలో కీలకంగా వ్యవహరించారు. టైమ్స్ రెస్పాన్స్ టీమ్‌ని రూపొందించడంలో గుహా అందించిన సహకారం భారతదేశంలోని మీడియా, వినోద పరిశ్రమ డైనమిక్స్‌ని మార్చిందని చెప్పవచ్చు.

‘కళాకారులు, రచయితలు, మీడియా నిర్వాహకులకు మార్గదర్శకుడిగా, ప్రకటనల దిగ్గజం’ గా ఆస్ట్రేలియా బేస్డ్‌ మీడియా టెక్‌ ఎంటర్‌ప్రెన్యూర్‌ చార్ల్టన్ డిసిల్వా గుర్తు చేసుకున్నారు. మీడియా అమ్మకాలను ఆకర్శణీయంగా చేసిన ఘనత ప్రదీప్‌ గుహాకే దక్కుతుందన్నారు.