Crime news | హత్య కేసులో జీవితఖైదు.. ఆపై బెయిల్‌.. అత్యాచారం కేసులో అరెస్ట్‌..!

Crime news | ఒక హత్య కేసులో జీవితఖైదు (Life sentence) పడిన వ్యక్తి బెయిల్‌పై బయటికి వచ్చి అత్యాచారం కేసులో అరెస్టయ్యాడు. దేశ రాజధాని ఢిల్లీ (Delhi) లో ఈ ఘటన చోటుచేసుకుంది.

Crime news : ఇప్పటికే ఒక హత్య కేసులో జీవితఖైదు (Life sentence) పడిన వ్యక్తి బెయిల్‌పై బయటికి వచ్చి అత్యాచారం కేసులో అరెస్టయ్యాడు. దేశ రాజధాని ఢిల్లీ (Delhi) లో ఈ ఘటన చోటుచేసుకుంది. వివరాల్లోకి వెళ్తే.. హర్యానా (Haryana) రాష్ట్రం ఝజ్జర్‌ జిల్లా (Jhajjar district) బహదూర్‌గఢ్‌ (Bahadurgarh) మున్సిపాలిటీలోని పటేల్‌నగర్‌ (Patel Nagar) ఏరియాకు చెందిన మన్‌జీత్ (Manjeet) అలియాస్‌ మంజా (Manja) 2009లో ఓ హత్య కేసులో అరెస్టయ్యాడు.

అతడితోపాటు అరుణ్‌ దబాస్‌ అలియాస్‌ బిట్టు అనే వ్యక్తికి కూడా జీవితఖైదు పడింది. ఈ ఇద్దరూ కలిసి తమతో కలిసి నేరాలు చేసే మరో వ్యక్తిని హత్య చేశారు. ఈ కేసు విచారించిన చండీగఢ్‌ హైకోర్టు 2012లో నిందితులిద్దరినీ దోషులుగా తేల్చి జీవితఖైదు విధించింది. ఆ తర్వాత 2015లో మంజా బెయిల్‌పై బయటికి వచ్చాడు.

ఇప్పటికే ఓ కేసులో శిక్ష అనుభవిస్తున్నా అతడు తన ప్రవర్తనను మార్చుకోలేదు. గత నెలలో ఢిల్లీలో ఓ మహిళపై అత్యాచారానికి పాల్పడ్డాడు. బాధితురాలు జూన్‌ 11న పోలీసులకు ఫిర్యాదు చేయడంతో నిందితుడి కోసం గాలింపుచేపట్టారు. అయితే 20 రోజులకుపైగా పోలీసుల కళ్లుగప్పి తప్పించుకున్న మంజా ఈ నెల 3న పట్టుబడ్డాడు.

హర్యానాలోని తన స్వస్థలానికి నిందితుడు వచ్చినట్లు తెలుసుకున్న ఢిల్లీ పోలీసులు అక్కడికి వెళ్లి హర్యానా పోలీసుల సాయంతో అతడిని అరెస్ట్‌ చేశారు. ఈ విషయాన్ని ఆదివారం మీడియాకు వెల్లడించారు. నిందితుడిపై గతంలో ఉన్న పెండింగ్‌ కేసుల గురించి కూడా ఆరా తీస్తున్నామని తెలిపారు.

Read More >>

రైల్వే ప్లాట్‌ఫామ్‌పై హెయిర్‌ క్లిప్‌, పాకెట్‌ నైఫ్‌తో మహిళకు డెలివరీ.. ఆర్మీ డాక్టర్‌పై ప్రశంసలు

కేరళ ఎయిర్‌పోర్టులో కదిలిన బ్రిటన్‌ యుద్ధ విమానం

పంచవటిలో గోదారమ్మ ఉధృత ప్రవాహం..Video

అదుపుతప్పి కొండ పైనుంచి ఫల్టీలు కొట్టిన కారు.. నలుగురు దుర్మరణం

బీజేపీ, నితీశ్‌కుమార్‌ బీహార్‌ను నేరాలకు అడ్డాగా మార్చారు : రాహుల్‌గాంధీ

టెక్సాస్‌లో వరదలు.. 51 మంది మృతి.. పలువురు గల్లంతు