Visit:
Farmers Protest | తొగుట, ఆగస్టు 30 : రైతులకు యూరియా అందించడంలో ప్రభుత్వం పూర్తిగా విఫలమైందని తొగుట సొసైటీ చైర్మన్ కె హరికృష్ణారెడ్డి పేర్కొన్నారు. తొగుటలో యూరియా కోసం రైతులు రాస్తారోకో చేయడంతో వారికి మండల బీఆర్ఎస్ పార్టీ అధ్యక్షుడు జీడిపల్లి రాంరెడ్డి, మాజీ మార్కెట్ కమిటీ చైర్మన్ దోమల కొమురయ్యతో కలిసి సంఘీభావం ప్రకటించారు. ఈ సందర్బంగా హరికృష్ణారెడ్డి మాట్లాడుతూ.. యూరియా కోసం ఎన్నిసార్లు జిల్లా అధికారులకు విజ్ఞప్తి చేసినా యూరియా సరఫరా చేయడం లేదని ఆందోళన వ్యక్తం చేశారు. యూరియా కోసం గత రెండు రోజులుగా రైతులు నిద్రాహారాలు మాని తొగుట చుట్టూ తిరుగుతున్నారన్నారు.
మార్పు రావాలంటూ అధికారంలోకి వొచ్చిన కాంగ్రెస్ ప్రభుత్వం యూరియా కొరతతో పూర్వ పాలనను గుర్తుకు తెస్తుందని మండల బీఆర్ఎస్ పార్టీ అధ్యక్షుడు జీడిపల్లి రాంరెడ్డి పేర్కొన్నారు. యూరియా కోసం పండుగ, పబ్బం లేకుండా రాత్రి పగలు, చేను చేలుక, ఆపద సంపద, ఎండావానా లేకుండా రైతులు తిరుగుతున్నారని, కాంగ్రెస్‌ను గద్దె నెక్కించినందుకా ఈ కష్టాలు అని ఆయన ప్రశ్నించారు. యూరియా కొరత లేదనే కాంగ్రెస్, బీజేపీ నాయకులు ఒక్కసారి ప్రజల వద్దకు వొచ్చి మాట్లాడాలన్నారు.
సిద్దిపేట జిల్లాలో ఇతర మండలాలకు ఎక్కువ యూరియా సరఫరా చేస్తూ తొగుట మండలం మీద వివక్ష చూపుతున్నారని మాజీ మార్కెట్ కమిటీ చైర్మన్ దోమల కొమురయ్య ధ్వజమెత్తారు. సకాలంలో రెండు మూడు రోజుల్లో యూరియా అందించకుంటే పెద్ద ఎత్తున ఆందోళన చేస్తామని హెచ్చరించారు.. ఈ సందర్బంగా రైతుల రాస్తారోకో తో ఇరువైపులా వాహనాలు నిలిపోయాయి.
కేసీఆర్‌ రావాలి రేవంత్ పోవాలి..
యూరియా కావాలి, కలెక్టర్ రావాలి, కెసిఆర్ రావాలి రేవంత్ పోవాలి అంటూ రైతులు నినాదాలు చేశారు. తొగుట సీఐ లతీఫ్, తహసీల్దార్ శ్రీకాంత్, ఏవో మోహన్ లు జిల్లా అధికారుల దృష్టికి తీసుకెళ్లగా.. వారు రెండు రోజుల్లో 4 లారీల యూరియా పంపిస్తామని హామీ ఇవ్వడంతో పాటు రైతులకు ముందస్తుగా టోకెన్లు ఇస్తామని తెలుపడంతో రైతులు ఆందోళన విరమించారు.
Harish Rao | పెట్రోల్‌కు రేవంత్ డ‌బ్బులు ఇస్తున్నాడా..? పోలీసుల‌కు హ‌రీశ్‌రావు సూటి ప్ర‌శ్న
పార్టీ మారితేనే సహకారం.. లేదంటే తిరస్కారం..
