National Mega lok Adalat | రాజీయే రాజమార్గం.. జాతీయ మెగా లోక్ అదాలత్‌ను సద్వినియోగం చేసుకోవాలి : ఎస్ఐ కాశీనాథ్‌

National Mega lok Adalat | చిన్న చిన్న కేసులతో కక్షలు పెంచుకుని కోర్టుల చుట్టూ తిరుగుతూ సమయాన్ని, డబ్బులను వృథా చేసుకోవద్దన్నారు జహీరాబాద్ రూరల్ ఎస్ఐ యం కాశీనాథ్‌ జ్యుడీషియల్ డిపార్ట్‌మెంట్‌ ఇచ్చిన అవకాశాన్ని ప్రతీ ఒక్కరు సద్వినియోగం చేసుకోవాలని తెలిపారు.

National Mega lok Adalat | జహీరాబాద్, సెప్టెంబర్ 11 : ఈ నెల 13వ తేదీన జరిగే జాతీయ మెగా లోక్ అదాలత్‌ను కక్షిదారులు సద్వినియోగం చేసుకోవాలని జహీరాబాద్ రూరల్ ఎస్ఐ యం. కాశీనాథ్‌ సూచించారు.

ఈ సందర్భంగా ఆయన మాట్లాడుతూ.. ఈ నెల 13న జాతీయ మెగా లోక్ అదాలత్ ఉన్నందున రాజీ పడదగిన కేసుల్లో క్రిమినల్ కంపౌండబుల్ కేసులు, సివిల్ తగాదా కేసులు, ఆస్తి విభజన కేసులు, కుటుంబపరమైన కేసులు, వైవాహిక జీవితానికి సంబంధించిన కేసులు, బ్యాంకు రికవరీ, విద్యుత్ చౌర్యం, చెక్ బౌన్స్ వంటి కేసుల్లో కక్షిదారులు రాజీ పడే అవకాశం ఉంటుందన్నారు.

రాజీయే రాజ మార్గమన్నారు. చిన్న చిన్న కేసులతో కక్షలు పెంచుకుని కోర్టుల చుట్టూ తిరుగుతూ సమయాన్ని, డబ్బులను వృథా చేసుకోవద్దన్నారు. జ్యుడీషియల్ డిపార్ట్‌మెంట్‌ ఇచ్చిన అవకాశాన్ని ప్రతీ ఒక్కరు సద్వినియోగం చేసుకోవాలని తెలిపారు. పోలీస్ అధికారులు, కోర్టు విధులు నిర్వహించే కానిస్టేబుళ్లు ఇతర పోలీస్ సిబ్బంది రాజీ పడ్డ దగిన కేసులను గుర్తించి ఇరువర్గాల వారిని పిలిపించి కౌన్సెలింగ్ నిర్వహించి రాజీ పడేటట్లు అవగాహన కల్పించడం జరుగుతుందన్నారు.

ఎవరైనా తమ కేసులలో రాజీ కావాలి అనుకున్నవారు పోలీస్ అధికారులను సంప్రదించాలని, లోక్ అదాలత్ ద్వారా బాధితులకు సత్వరమే న్యాయం జరుగుతుంని పేర్కొన్నారు.

Read Also :

Mata Vaishno Devi | ఈ నెల 14 నుంచి మాతా వైష్ణోదేవి యాత్ర పునఃప్రారంభం..!

Nepo Kids | ఖరీదైన కార్లు, విదేశాల్లో హాలిడేస్‌.. ప్రజలు పేదరికంలో మగ్గుతుంటే విలాస జీవితం గడుపుతున్న రాజకీయ నేతల పిల్లలు

Shah Rukh Khan | 1500 కుటుంబాలకు సాయం… మరోసారి గొప్ప మనసు చాటుకున్న షారుఖ్ ఖాన్