Health Tips | వేసవిలో ఒంట్లో వేడి పెరగకూడదంటే ఏం చేయాలో తెలుసా..?

Health Tips | వేసవి వచ్చిందంటే చాలు ఎండలు మండిపోతాయి. ఈ ఎండలవల్ల నిత్యం శరీర ఉష్ణోగ్రతలు హెచ్చుతగ్గులకు లోనవుతాయి. బాడీ డీహైడ్రేషన్‌కు గురవుతుంది. దీనివల్ల తరచూ ఒళ్లు అలసిపోయి నీరసం ఆవహిస్తుంది. అలాంటి పరిస్థితి రావద్దంటే బాడీ డీహైడ్రేట్‌ కాకుండా కాపాడుకోవాలి

వేసవి వచ్చిందంటే చాలు ఎండలు మండిపోతాయి. ఈ ఎండలవల్ల నిత్యం శరీర ఉష్ణోగ్రతలు హెచ్చుతగ్గులకు లోనవుతాయి. బాడీ డీహైడ్రేషన్‌కు గురవుతుంది. దీనివల్ల తరచూ ఒళ్లు అలసిపోయి నీరసం ఆవహిస్తుంది. అలాంటి పరిస్థితి రావద్దంటే బాడీ డీహైడ్రేట్‌ కాకుండా కాపాడుకోవాలి. శరీర ఉష్ణోగ్రతలు పెరుగకుండా చూసుకోవాలి. అందుకోసం కొన్ని చిన్నచిన్న చిట్కాలు పాటిస్తే సరిపోతుంది. మరి ఆ చిట్కాలు ఏంటో చూద్దామా..?

శరీర ఉష్ణోగ్రతలను తగ్గించే చిట్కాలు..

1. ప్రతి రోజూ క్రమం త‌ప్పకుండా నిమ్మ రసం, కొబ్బరి నీళ్లు తాగడం ద్వారా శరీరంలో ఉష్ణోగ్రతలు తగ్గి చల్లబడుతుంది.

2. అదేవిధంగా రోజూ ఉదయం కొబ్బరి నూనె లేదా పొద్దు తిరుగుడు నూనెతో శరీరానికి మర్ధన చేసుకుని స్నానం చేయడంవల్ల కూడా ఒంట్లో వేడి తగ్గుతుంది.

3. రోజూ రెండు కప్పులు తాటి బెల్లం కలిపిన నీళ్లను తాగడం ద్వారా కూడా శరీరంలో వేడిని తగ్గించుకోవచ్చు.

4. అంతేగాక క్రమం తప్పకుండా ఎర్ర మందారం టీ తాగడంవల్ల కూడా శరీర ఉష్ణోగ్రతలు తగ్గుతాయి.

5. కుంకుమ పువ్వు కలిపిన పాలు తాగడం ద్వారా కూడా శరీరంలో వేడిని తగ్గించుకోవచ్చు.

6. సోంపు, జీలకర్ర, ధనియాలు రాత్రంతా నానబెట్టి మరుసటి రోజు తాగడంవల్ల కూడా ఒంట్లో వేడి తగ్గుతుంది.

7. దానిమ్మ గింజ‌ల్లో కూడా శరీరంలోని వేడిని తగ్గించే లక్షణం ఉంది. రెండు మూడు రోజులకు ఒకసారైనా దానిమ్మ గింజలు తినడం లేదా దానిమ్మ రసం తాగడంవల్ల శరీరం చల్లగా ఉంటుంది.

8. అంతేగాక మెంతులను వేయించి, పొడిచేసి రోజూ గోరు వెచ్చటి నీటితో కలిపి తాగడం ద్వారా కూడా ఒంట్లో వేడిని తగ్గించుకోవచ్చు.

9. ఈ చిట్కాలతోపాటే వేడిచేసే ఆహార పదార్థాలైన పుల్లటి పండ్లు, బీట్‌రూట్‌లు, క్యారెట్‌లను వేసవిలో ఎక్కువగా తినకుండా ఉండటం ద్వారా కూడా శరీర ఉష్ణోగ్రతలను అదుపులో పెట్టుకోవచ్చు.

 

ఇవి కూడా చదవండి..

Health tips | నిద్రలేమి సమస్య మిమ్మల్ని చికాకు పెడుతోందా.. అయితే ఈ చిట్కాలు మీ కోసమే

Prediabetes symptoms | మీలో ఈ లక్షణాలు కనిపిస్తే వెంటనే షుగర్‌ పరీక్షలు చేయంచుకోండి

Feet health | పాదాల్లో పగుళ్లు వేధిస్తున్నాయా.. అయితే ఈ చిట్కాలు మీ కోసమే

Ectopic Pregnancy | ఎక్టోపిక్‌ ప్రెగ్నెన్సీ ఎందుకొస్తుంది? ఇది అంత ప్రమాదమా?

Health Tips | వంటింటి ఔష‌ధం వెల్లుల్లితో ఆరోగ్యానికి మేలు