Visit:
జైపూర్: ప్రభుత్వ ఆసుపత్రి ప్రధాన ద్వారం వద్ద స్లాబ్ పెచ్చులు ఊడిపడ్డాయి. ఆ సమయంలో అక్కడ నడుస్తూ వెళ్తున్న ఒక మహిళ తలపై శిథిలాలు పడటంతో ఆమె తీవ్రంగా గాయపడింది. సీసీటీవీలో రికార్డైన ఈ షాకింగ్ వీడియో క్లిప్ సోషల్ మీడియాలో వైరల్ అయ్యింది. (Government Hospital Celling Collapses) రాజస్థాన్లోని చురు జిల్లాలో ఈ సంఘటన జరిగింది. సుజన్గఢ్లోని ప్రభుత్వ ఫతేపురియా మాతా శిశు ఆసుపత్రి ప్రధాన ద్వారం వద్ద సీలింగ్లోని ఒక భాగం అకస్మాత్తుగా కూలిపోయింది. అక్కడ నడుస్తూ వెళ్తున్న మహిళపై శిథిలాలు పడ్డాయి. తలకు తీవ్రగాయమైన ఆమెను ప్రభుత్వ బగాడియా సబ్ డిస్ట్రిక్ట్ హాస్పిటల్కు తరలించి చికిత్స అందిస్తున్నారు.
కాగా, ప్రభుత్వ ఆసుపత్రి సీలింగ్ పెచ్చులు ఊడిపడటం చూసి అక్కడున్న వారు షాక్ అయ్యారు. ఆ ఆసుపత్రి పాత భవనం శిథిలావస్థకు చేరడంపై ఆందోళన వ్యక్తం చేశారు. ఆసుపత్రి ఇన్ఛార్జ్ డాక్టర్ బన్షీధర్ ఈ సంఘటనపై స్పందించారు. శిథిలావస్థకు చేరిన పాత భవనం గురించి అధికారులకు లేఖ రాసినట్లు తెలిపారు. ఇలాంటి సంఘటనలు పునరావృతం కాకుండా నివారించడానికి తగిన చర్యలు తీసుకుంటానని వెల్లడించారు. అయితే ఆసుపత్రిలోని సీసీటీవీలో రికార్డైన ఈ షాకింగ్ వీడియో క్లిప్ సోషల్ మీడియాలో వైరల్ అయ్యింది.
In Rajasthan’s Churu district, a female patient had come to the government hospital for her treatment and suddenly the plaster of Roof fell off😨 pic.twitter.com/x0h36pU3Yf
— Ghar Ke Kalesh (@gharkekalesh) August 6, 2026
