కరోనా వ్యాక్సిన్ తీసుకున్న తర్వాత వచ్చే సమస్యలను నియంత్రించడానికి ఏమైనా స్పెషల్ డైట్ ఉందా?
-సుమ, వరంగల్
కొవిడ్ టీకా వేసుకున్నాక కొంతమందిలో జ్వరం, కండరాల నొప్పి, ఒళ్లు నొప్పులు తదితర లక్షణాలు కనిపిస్తున్నాయి. వీటిని నియంత్రించడానికి ‘బ్యాలెన్స్డ్ ఇన్ఫ్లమేటరీ డైట్’ను పాటించాలి. వ్యాక్సిన్ తర్వాత సూప్స్ తీసుకోవాలి. వ్యాక్సిన్ ప్రభావంతో శరీరంలో వేడి పెరిగి, ఇలాంటి లక్షణాలు కనిపిస్తాయని డాక్టర్లు చెప్తుంటారు. నీళ్లు, పండ్ల రసాలు వంటి ద్రవ పదార్థాలను ఎక్కువగా తీసుకుంటే వేడి తగ్గుతుంది. సూప్ని ‘యాంటీ ఇన్ఫ్లమేటరీ హైడ్రేటింగ్ ఫుడ్’గా చెప్పొచ్చు. వ్యాక్సిన్ తీసుకున్నాక జలుబు చేస్తే.. పసుపు, ఉప్పు, మిరియాల పొడి వేసి చేసిన కాళ్ల షోర్వ, చికెన్ సూప్ తాగితే ఉపశమనం ఉంటుంది. కాళ్ల షోర్వలోని ైగ్లెసిన్, ఆర్జినైన్ వంటి అమైనో యాసిడ్స్ శరీరంలోని వేడిని తగ్గిస్తాయి. శాకాహారులు క్యారెట్, బీన్స్, పాలకూర, బ్రకోలీ, క్యాప్సికమ్, పుట్టగొడుగు సూప్ తాగొచ్చు.
డైట్ చార్ట్
మయూరి ఆవుల,
న్యూట్రీషనిస్ట్,
www.trudiet.in
ఇవి కూడా చదవండి: