COVID Diet : కరోనా తగ్గినా నీరసంగా ఉంటుందా? ఈ డైట్ ఫాలో అవ్వండి

COVID Diet : రోగ నిరోధక శక్తి పోషక విలువలతో కూడిన ఆహారం.. ఈ రెండూ మన ఆరోగ్యాన్ని కాపాడుతాయి. ఎన్ని జాగ్రత్తలు తీసుకున్నా ఏదో ఒక విధంగా వైరస్‌ బారిన

June 13, 2021 / 04:18 PM IST

COVID Diet : కరోనా తగ్గినా నీరసంగా ఉంటుందా? ఈ డైట్ ఫాలో అవ్వండి

COVID Diet : రోగ నిరోధక శక్తి ( Immunity ), పోషక విలువలతో కూడిన ఆహారం.. ఈ రెండూ మన ఆరోగ్యాన్ని కాపాడుతాయి. ఎన్ని జాగ్రత్తలు తీసుకున్నా ఏదో ఒక విధంగా కొవిడ్‌-19 ( COVID – 19 ) వైరస్‌ బారిన పడుతున్నారు చాలామంది. సెకండ్‌ వేవ్‌ ( Second wave )లో అధిక శాతం పాజిటివ్‌ పేషెంట్లు హోమ్‌ క్వారంటైన్‌ ( Home Quarantine )లో ఉంటున్నా హాస్పిటల్స్‌లో చేరుతున్నవారి సంఖ్యకూడా అధికంగానే ఉంది. చాలామంది రెండువారాల్లో కోలుకుంటున్నారు. అయినా నీరసం, అలసటతో ఇబ్బంది పడుతున్నారు. ఇలాంటివారు ఆహారం విషయంలో తగిన జాగ్రత్తలు తీసుకోవాలి.

నీళ్లు

శరీరానికి కావాల్సిన అతిముఖ్యమైన ద్రవం నీరు. చాలామంది రోజువారీ పనుల్లో పడి నీళ్లు తాగాలన్న విషయాన్నే మర్చిపోతారు. కానీ, నీళ్లు చాలినంతగా తాగకపోతే కొన్నిసార్లు ప్రాణాంతకం కావచ్చు. జీర్ణక్రియలో, శోషణలో, పోషక విలువలను ఉపయోగించుకోవడంలో శరీరానికి నీరే ఆధారం.

కొవిడ్‌ తర్వాత.. కొత్త శక్తి కోసం! — COVID Diet

తాజాపండ్లు

ఉదయం పండ్లముక్కలు లేదా పండ్లరసాలు తీసుకుంటే నీరసం తగ్గుతుంది. అలాగే, తాజా కూరగాయలను మధ్యాహ్న భోజనం, రాత్రి భోజనంలో తీసుకుంటే శరీరానికి కావాల్సిన శక్తి లభిస్తుంది. వీటిలో ఉండే ప్రొటీన్లు జీర్ణవ్యవస్థను మెరుగుపరచి, త్వరగా కోలుకునేలా చేస్తాయి. అవసరమైతే డాక్టర్‌ని సంప్రదించి రోగ నిరోధక శక్తిని పెంచే మల్టీ విటమిన్‌ ట్యాబ్లెట్స్‌ వేసుకోవాలి. ఊపిరితిత్తుల సామర్థ్యాన్ని పెంచే వ్యాయామం చేయాలి.

హెల్దీ డైట్‌ ప్లాన్‌

ఉదయం : నిద్ర లేవగానే నానబెట్టిన ఐదు బాదం గింజలు, కొన్ని ఎండు ద్రాక్షలు తీసుకోవాలి. అరగంట తర్వాత ఒక కప్పు గ్రీన్‌ టీ తాగాలి.

అల్పాహారం: ఒక పండు + నాలుగు ఇడ్లీలు/ రెండు దోశలు/ఒక కప్పు అటుకుల ఉప్మా/ ఒక కప్పు చిరుధాన్యాల ఉప్మా + ఒక కప్పు సాంబారు + కొత్తిమీర, పుదీనా చట్నీ.