Viral dance | ఆఫీస్ దీపావ‌ళి వేడుక‌ల్లో యువ‌తి డ్యాన్స్.. ఇంట‌ర్నెట్‌లో ఏకంగా రెండు కోట్ల వ్యూస్‌.. Video

Viral dance | వేడుకలు, కార్య‌క్ర‌మాల్లో సరదాగా చేసే పనులు ఒక్కోసారి ఊహించని గుర్తింపు తెచ్చిపెడతాయి. చండీగఢ్ (Chandigarh) కు చెందిన ఓషీన్ పాండ్యా (Osheen Pandiya) అనే యువ‌తి విషయంలో సరిగ్గా అదే జరిగింది. తన ఆఫీసులో జరిగిన దీపావళి వేడుక‌ల (Diwali Celebrations) లో ఆమె చేసిన డ్యాన్స్ ఇప్పుడు సోషల్ మీడియా (Social Media) లో వైర‌ల్‌గా మారింది.

Viral dance : వేడుకలు, కార్య‌క్ర‌మాల్లో సరదాగా చేసే పనులు ఒక్కోసారి ఊహించని గుర్తింపు తెచ్చిపెడతాయి. చండీగఢ్ (Chandigarh) కు చెందిన ఓషీన్ పాండ్యా (Osheen Pandiya) అనే యువ‌తి విషయంలో సరిగ్గా అదే జరిగింది. తన ఆఫీసులో జరిగిన దీపావళి వేడుక‌ల (Diwali Celebrations) లో ఆమె చేసిన డ్యాన్స్ ఇప్పుడు సోషల్ మీడియా (Social Media) లో వైర‌ల్‌గా మారింది. ఆ వీడియోకు ఇన్‌స్టాగ్రామ్‌లో ఏకంగా 2 కోట్ల (20 మిలియన్లు) వ్యూస్ వ‌చ్చాయి.

వివరాల్లోకి వెళ్తే.. ఓషీన్ పాండ్యా తన ఆఫీసు దీపావళి వేడుకల్లో భాగంగా 2012లో వచ్చిన ‘ఇషక్‌జాదే’ సినిమాలోని ‘ఝల్లా వల్లా’ పాటకు ఎంతో ఉత్సాహంగా డ్యాన్స్ చేసింది. నీలం, ఆకుపచ్చ రంగు సంప్రదాయ దుస్తులు ధరించి ఆమె వేసిన స్టెప్పులకు సహోద్యోగులు కేరింతలతో ప్రోత్సహించారు. ఈ సరదా క్షణాలకు సంబంధించిన వీడియోను ఆమె త‌న ఇన్‌స్టా ఖాతాలో షేర్‌చేసింది. “ఆఫీస్ దీపావళి పార్టీలో ఒక డ్యాన్స్ అయితే చేయాలి కదా” అనే క్యాప్షన్‌తో ఓషీన్ తన ఇన్‌స్టాగ్రామ్‌లో పోస్ట్ చేసింది.

ఈ వీడియో పోస్ట్ చేసిన కొద్ది సమయంలోనే వైరల్‌గా మారింది. ఆమె డ్యాన్స్‌లో గ్రేస్, ముఖంలో చిరునవ్వు, పండుగ ఉత్సాహం నెటిజన్‌ల‌ను ఎంతగానో ఆకట్టుకున్నాయి. ‘ఆమె ఆఫీస్ క్రష్‌గా మారిపోయింది’ అంటూ చాలామంది కామెంట్లు చేశారు. లక్షల సంఖ్యలో లైకులు, ప్రశంసలతో ఈ వీడియో ఆఫీసుల్లో జరిగే చిన్నచిన్న సంతోషకరమైన క్షణాలకు ప్రతీకగా నిలిచింది. ఆ వీడియోను మీరు కూడా చూడ‌వ‌చ్చు.