Heart Attack | గుండెపోటు (Heart Attack) మరణాలు ఇటీవలె కాలంలో పెరిగాయి. అప్పటి వరకూ బాగానే ఉన్న వాళ్లు అంతలోనే ఉన్నచోటే కుప్పకూలి ప్రాణాలు కోల్పోతున్నారు. తాజాగా క్రికెట్ ఆడుతూ (Playing Cricket) ఓ టెకీ (Noida Techie) గుండెపోటుతో మరణించాడు. ఈ ఘటన ఉత్తరప్రదేశ్ నోయిడాలో చోటు చేసుకుంది.
వికాస్ (34) అనే వ్యక్తి తోటివారితో కలిసి క్రికెట్ ఆడుతున్నాడు. ఈ క్రమంలో రన్స్ తీస్తూ పిచ్ (Pitch) మధ్యలోకి రాగానే ఒక్కసారిగా కుప్పకూలిపోయాడు. వెంటనే అప్రమత్తమైన తోటివారు అతడిని హుటాహుటిన ఆసుపత్రికి తీసుకెళ్లారు. అయితే, అప్పటికే వికాస్ ప్రాణాలు కోల్పోయినట్లు వైద్యులు నిర్ధారించారు. మృతదేహానికి పోస్టుమార్టం నిర్వహించగా గుండెపోటుతో మరణించినట్లు వెల్లడైంది.
పోలీసులు, మృతుడి స్నేహితులు తెలిపిన వివరాల ప్రకారం.. వికాస్ గతంలో కొవిడ్ బారినపడి పూర్తిగా కోలుకున్నాడు. ఫిజికల్గా ఫిట్గా ఉండేందుకు అతను తరచూ నోయిడా, ఢిల్లీలో క్రికెట్ ఆడుతుండేవాడు. ఈ క్రమంలో నోయిడాలో క్రికెట్ ఆడుతూ గుండెపోటుతో ప్రాణాలు కోల్పోయాడు. ఇందుకు సంబంధించిన వీడియో ప్రస్తుతం వైరల్ అవుతోంది.
TRIGGER WARNING ⚠️
A 34-year old from Noida died after suffering a heart attack during a cricket match.pic.twitter.com/YAgITxhkpR
— Sameer Allana (@HitmanCricket) January 9, 2024
ఇటీవలే కాలంలో ఆకస్మిక గుండెపోటు (Heart Attack) మరణాలు కలచివేస్తున్నాయి. వయసుతో సంబంధం లేకుండా పసిప్రాయం మొదలు నడివయస్సు వరకు పలువురు గుండెపోటుతో ప్రాణాలు కోల్పోతున్నారు. యువతే ఎక్కువగా గుండెపోటు బారిన పడి ప్రాణాలు వదులుతున్నారు. ముఖ్యంగా కరోనా తర్వాత యువగుండెకు ముప్పు వాటిల్లుతోంది. ప్రపంచవ్యాప్తంగా హార్ట్ ఎటాక్ల సంఖ్య పెరుగుతున్నప్పటికీ.. భారత్లో ఐదేళ్లలో ఇది మరింత పెరిగింది. 30-40 ఏళ్ల మధ్య వాళ్లకే ఎక్కువగా గుండెపోటు వస్తుండడం ఆందోళన కలిగిస్తోంది. హార్ట్ ఎటాక్తో ఎందరో యువకులు కుప్పకూలిన వీడియోలు సోషల్మీడియాలో వెలుగుచూస్తున్నాయి.
Also Read..
Donald Trump | అమెరికా మాజీ అధ్యక్షుడు ట్రంప్ ఇంట విషాదం.. మెలానియా తల్లి మృతి
Uttar Pradesh | రాత్రి ఇంట్లో నిద్రపోయిన చిన్నారులు.. తెల్లారేసరికి విగతజీవులుగా మారారు
Alaska Airlines | తప్పు మాదే.. మళ్లీ ఇలా జరగదు : డోర్ ఊడిన ఘటనపై అలాస్కా ఎయిర్లైన్స్