అన్నీ అబద్ధాలే.. ఓటీటీలోకి వ‌కీల్ సాబ్‌ అప్పుడే రాదు

ఓటీటీలోకి వ‌కీల్ సాబ్ | ఏప్రిల్ 23న అంటే వకీల్ సాబ్ విడుదలైన 14 రోజులకే ఓటీటీలో వచ్చేస్తుందంటూ ప్రచారం జరుగుతుంది.

April 12, 2021 / 10:25 PM IST

అన్నీ అబద్ధాలే.. ఓటీటీలోకి వ‌కీల్ సాబ్‌ అప్పుడే రాదు

ఈ రోజుల్లో ఎంత పెద్ద సినిమా అయినా కూడా ఓటీటీలో చాలా త్వరగా వచ్చేస్తుంది. మొన్నటికి మొన్న కన్నడలో పవర్ స్టార్ పునీత్ రాజ్‌కుమార్ నటించిన యువరత్న సినిమా కేవలం వారం రోజుల్లోనే ఓటీటీలో విడుదల చేశారు. ఈ మధ్య తెలుగులోనూ అలా రెండు వారాల్లోనే సినిమాలు విడుదలైన సందర్భాలు ఉన్నాయి. క్రాక్ మూడు వారాలకు.. మాస్టర్ రెండు వారాలకు ఓటీటీలో వచ్చాయి. ఈ క్రమంలోనే ఇప్పుడు పవన్ కళ్యాణ్ హీరోగా నటించిన వకీల్ సాబ్ సినిమా కూడా రెండు వారాల్లోనే ఓటీటీలో వచ్చేస్తుందంటూ వార్తలు వచ్చాయి. సోషల్ మీడియాలో వచ్చిన ఈ వార్తలు ధావాళంలా వ్యాపించాయి.

పవన్ హీరోగా వేణు శ్రీరామ్ దర్శకత్వంలో దిల్ రాజు నిర్మించిన వకీల్ సాబ్ సినిమాకు పాజిటివ్ టాక్ వచ్చింది. దాంతో కలెక్షన్స్ కూడా అలాగే వస్తున్నాయి. మూడు రోజుల్లోనే ఈ చిత్రం రూ.58 కోట్ల షేర్ వసూలు చేసింది. రూ.90 కోట్ల టార్గెట్‌తో దిగిన వకీల్ సాబ్ కచ్చితంగా ఉగాది పూర్తయ్యేలోపు టార్గెట్‌ పూర్తి చేసేలా కనిపిస్తున్నాడు. అయితే కరోనా కేసులు కూడా ఓ వైపు దారుణంగా పెరిగిపోతున్నాయి. ఈ క్రమంలోనే సినిమా రెండు వారాల్లోనే ఓటీటీలో వచ్చేస్తుందంటూ వార్తలు కూడా వచ్చాయి.

ఏప్రిల్ 23న అంటే వకీల్ సాబ్ విడుదలైన 14 రోజులకే ఓటీటీలో వచ్చేస్తుందంటూ ప్రచారం జరుగుతుంది. పరిస్థితులు కూడా అలాగే ఉండటంతో దాన్నే నిజమని నమ్మిన వాళ్లు కూడా లేకపోలేదు. అయితే అలాంటిదేం లేదని.. రూమర్స్ నమ్మొద్దని.. వకీల్ సాబ్ ఇప్పట్లో ఓటీటీలో విడుదల కాదంటూ క్లారిటీ ఇచ్చారు దర్శక నిర్మాతలు. దీని గురించే ప్రత్యేకంగా పోస్టర్ కూడా విడుదల చేశారు. థియేటర్స్‌లో సినిమాను ఎంజాయ్ చేయండి అంటూ దర్శక నిర్మాతలు చెప్తున్నారు. అంతేకానీ సోషల్ మీడియాలో వస్తున్నట్లు సినిమా ఓటీటీలో మాత్రం విడుదల కాదని తేల్చేశారు. కావాలనే తమ సినిమాపై ఇలాంటి ప్రచారం చేస్తున్నారని ఫైర్ అవుతున్నారు వకీల్ సాబ్ నిర్మాతలు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి