ఆక్సిజ‌న్ ను ఇలా మెరుగుపర్చుకోండి..నోరాఫ‌తేహి టిప్‌

ఇండియావ్యాప్తంగా క‌రోనా సెకండ్ వేవ్‌తో కేసులు పెరుగుతున్నాయి. కోవిడ్ ప్ర‌భావం అంత‌కంత‌కూ పెరిగిపోతుండ‌టంతో డాక్ట‌ర్లు, సెల‌బ్రిటీలు ప్ర‌జ‌ల‌కు అవ‌గాహ‌న కార్య‌క్ర‌మాలు నిర్వ‌హిస్తున్నారు.

May 4, 2021 / 04:03 PM IST

ఆక్సిజ‌న్ ను ఇలా మెరుగుపర్చుకోండి..నోరాఫ‌తేహి టిప్‌

ఇండియావ్యాప్తంగా క‌రోనా సెకండ్ వేవ్‌తో కేసులు పెరుగుతున్నాయి. కోవిడ్ ప్ర‌భావం అంత‌కంత‌కూ పెరిగిపోతుండ‌టంతో డాక్ట‌ర్లు, సెల‌బ్రిటీలు ప్ర‌జ‌ల‌కు సోష‌ల్‌మీడియా ప్లాట్‌ఫామ్స్ ద్వారా అవ‌గాహ‌న కార్య‌క్ర‌మాలు నిర్వ‌హిస్తున్నారు. కోవిడ్ జాగ్ర‌త్త‌ల‌కు సంబంధించిన‌ ఎంవోఎస్ మెసేజ్‌ల‌ను షేర్ చేసుకుంటున్నారు. బాలీవుడ్ న‌టి నోరా ఫ‌తేహి త‌న ఫాలోవ‌ర్లు, అభిమానుల‌కు ఆక్సిజ‌న్ శాతాన్ని మ‌రింత మెరుగుప‌రుచుకునేందుకు వైద్యప‌రంగా అంగీకారయోగ్య‌మైన ప‌ద్ద‌తిని షేర్ చేసుకుంది..

ముఖాన్ని ఛాతికి కొద్దిగా కిందికి ఉంచి స‌మాంత‌రంగా ప‌డుకోవాలి. ఈ విధానాన్ని ప్రోనింగ్ అంటారు. ఆక్సిజనేషన్ మెరుగుప‌రిచేందుకు ఈ ప‌ద్ద‌తి ఉప‌యోగ‌ప‌డుతుంది. రోగి ఆక్సిజన్ స్థాయిలు 94 కన్నా తక్కువకు పడిపోతే (ఇంట్లో ఆక్సిమీటర్‌పై కొలిచినప్పుడు), రోగి ఇలా పడుకోవ‌చ్చు. ఈ పొజిష‌న్ వెంటిలేషన్ ను మెరుగుప‌ర‌చ‌డ‌మే కాకుండా సౌకర్యవంతమైన శ్వాసను అందిస్తుంది.ఊపిరితిత్తుల్లో గాలి పంపిణీ, ప‌రిమాణాన్ని స‌మ‌తూకం చేస్తుంది. .గత కొన్ని సంవత్సరాల్లో, అక్యూట్ రెస్పిరేటరీ డిస్ట్రెస్ సిండ్రోమ్ (ARDS) ఉన్న రోగుల చికిత్సలో ప్రోన్ పొజిషనింగ్ ఎక్కువగా ఉపయోగించబడుతోంది. ఇది ప్ర‌స్తుత‌మున్న ప‌రిస్థితుల్లో ఆక్సిజనేషన్‌ను మెరుగుపరచడానికి సరళమైన & సురక్షితమైన పద్ధతిగా పరిగణించబడుతుందని చెప్పుక‌చ్చింది నోరా ఫ‌తేహి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి