వచ్చే ఏడాది దసరా కల్లా ఎంజే ఫీల్డ్‌ నుంచి రిలయన్స్ గ్యాస్‌ ఉత్పత్తి

రిలయన్స్ ఇండస్ట్రీస్ లిమిటెడ్‌ (ఆర్‌ఐఎల్) వచ్చే ఏడాది చివరి త్రైమాసికంలో ఎంజే ఫీల్డ్ నుంచి సహజ వాయువు ఉత్పత్తిని ప్రారంభించేందుకు రంగం సిద్ధం చేసింది. ఇక్కడ గ్యాస్‌ ఉత్పత్తిని ప్రారంభిస్తే మొత్తం ఉత్పత్తిని మూడింట రెండు వంతుల వరకు పెరుగుతుంది.

July 25, 2021 / 07:05 PM IST

వచ్చే ఏడాది దసరా కల్లా ఎంజే ఫీల్డ్‌ నుంచి రిలయన్స్ గ్యాస్‌ ఉత్పత్తి

న్యూఢిల్లీ : రిలయన్స్ ఇండస్ట్రీస్ లిమిటెడ్‌ (ఆర్‌ఐఎల్) వచ్చే ఏడాది చివరి త్రైమాసికంలో ఎంజే ఫీల్డ్ నుంచి సహజ వాయువు ఉత్పత్తిని ప్రారంభించేందుకు రంగం సిద్ధం చేసింది. ఇక్కడ గ్యాస్‌ ఉత్పత్తిని ప్రారంభిస్తే మొత్తం ఉత్పత్తి మూడింట రెండు వంతుల వరకు పెరుగుతుంది. కేజీ-డీ6 బ్లాక్‌లో ఇది మూడవ, ఆఖరి గ్యాస్ క్షేత్రం. రిలయన్స్‌ సంస్థ ఇప్పుడు దీనిని అభివృద్ధి చేస్తున్నది. మొదటి త్రైమాసిక ఫలితాలను విడుదల చేస్తూ, ఆఫ్‌షోర్ ఇన్‌స్టాలేషన్ మొదటి దశను పూర్తి చేసినట్లు ఆర్‌ఐఎల్‌ తన పెట్టుబడిదారులకు తెలిపింది. రెండవది ఈ ఏడాది నవంబర్‌లో ప్రారంభమవుతుంది.

కేజీ-డీ6 బ్లాక్‌లోని లోతైన గ్యాస్ బ్లాక్‌లో ఉత్పత్తి కోసం తేలియాడే ఉత్పత్తి వ్యవస్థను ఉపయోగించాలని ఆర్‌ఐఎల్‌, దాని భాగస్వామి యూకేకు చెందిన బీపీ పీఎల్సీ ప్రణాళికగా ఉన్నది. ఎంజే-1 గ్యాస్ క్షేత్రం ధీరూభాయ్-1, 3 కి 2,000 మీటర్ల దూరంలో ఉన్నది. ఎంజే-1 కి కనీసం 0.988 ట్రిలియన్ క్యూబిక్ అడుగుల వనరులు ఉన్నాయని అంచనా.

కేజీ-డి 6 బ్లాక్‌లో ఆర్‌ఐఎల్, బీపీ మూడు డీప్ వాటర్ గ్యాస్ బ్లాక్‌లను అభివృద్ధి చేస్తున్నాయి. ఈ మూడు బ్లాక్స్ – ఆర్‌ క్లస్టర్, శాటిలైట్ క్లస్టర్, ఎంజే. ఈ మూడింటినీ కలిపి రోజుకు 30 మిలియన్ ప్రామాణిక క్యూబిక్ మీటర్లు ఉత్పత్తి చేయవచ్చని భావిస్తున్నారు. దీంతో భారతదేశం యొక్క మొత్తం గ్యాస్ డిమాండ్‌లో 15 శాతం తీర్చవచ్చని నిపుణులు భావిస్తున్నారు. ఆర్-క్లస్టర్ ఉత్పత్తి 2020 డిసెంబర్‌లో ప్రారంభమైంది. శాటిలైట్ క్లస్టర్ నుంచి ఉత్పత్తి ఏప్రిల్‌లో ప్రారంభమైంది. ఈ ఏడాది ఏప్రిల్ నుంచి జూన్ మధ్య కేజీ-డీ 6 సగటున 16.6 ఎంఎంసీఎమ్‌డీ గ్యాస్‌ను ఉత్పత్తి చేసిందని ఆర్‌ఐఎల్ తెలిపింది. ఈ ఫీల్డ్ నుంచి 18 రౌండ్ల బిడ్డింగ్‌లో కంపెనీ 18 ఎంఎంసీఎమ్‌డీ గ్యాస్‌ను విక్రయించింది.