ఐటీసీ ఖర్చులు పెరిగాయ్‌..

ఐటీసీ నికర లాభం 30.24 శాతం పెరిగింది. సిగరెట్ ఆదాయం రూ.5,802.67 కోట్ల వరకు పెరిగింది. ఐటీసీ లిమిటెడ్ 2021-22 ఆర్థిక సంవత్సరానికి జూన్ త్రైమాసిక ఫలితాలను విడుదల చేసింది.

July 25, 2021 / 01:57 PM IST

ముంబై : ఐటీసీ నికర లాభం 30.24 శాతం పెరిగింది. సిగరెట్ ఆదాయం రూ.5,802.67 కోట్ల వరకు పెరిగింది. ఐటీసీ లిమిటెడ్ 2021-22 ఆర్థిక సంవత్సరానికి జూన్ త్రైమాసిక ఫలితాలను విడుదల చేసింది. కంపెనీ ఏకీకృత నికర లాభం ఏప్రిల్-జూన్ నెలల్లో 30.24 శాతం పెరిగి రూ.3,343.44 కోట్లకు చేరుకున్నది. కంపెనీ నికర లాభం గత ఏడాది ఇదే త్రైమాసికంలో రూ.2,567.07 కోట్లుగా ఉన్నది.

జూన్ త్రైమాసికంలో కంపెనీ నిర్వహణ ఆదాయం 35.91 శాతం పెరిగి రూ.14,240.76 కోట్లకు చేరుకుందని, ఎక్స్ఛేంజ్ ఫైలింగ్ ప్రకారం గత ఏడాది ఇదే కాలంలో రూ.10,478.46 కోట్లుగా ఉన్నది. కంపెనీ మొత్తం ఖర్చులు రూ.10,220 కోట్లు కాగా, 2020-21 ఆర్థిక సంవత్సరంలో ఇదే కాలంలో ఖర్చులు రూ.7,967.71 కోట్లుగా ఉన్నాయి.

ఐటీసీ ఏప్రిల్-జూన్ త్రైమాసికంలో ఎఫ్‌ఎంసీజీ ఆదాయం 23.68 శాతం పెరిగి రూ.9,534.07 కోట్లకు చేరుకున్నది. ఇది గత ఏడాది ఇదే త్రైమాసికంలో రూ .7,709 కోట్లుగా ఉన్నది. సిగరెట్ల ద్వారా వచ్చే ఆదాయం 34 శాతం పెరిగింది. ఈ ఆదాయం రూ.5,802.67 కోట్లకు చేరుకున్నది. కాగా, గత ఆర్థిక సంవత్సరం ఇదే త్రైమాసికంలో ఇది రూ.4,330 కోట్లు. ఐటీసీ ప్రకారం, అనేక రాష్ట్రాల్లో కొవిడ్-19 కారణంగా లాక్‌డౌన్ ఆంక్షల కారణంగా ఆర్థిక పరిస్థితి సవాలుగా మారింది. 2020-21 జనవరి-మార్చి త్రైమాసికంలో సిగరెట్ ఆదాయం కరోనా పూర్వ స్థాయికి చేరుకున్నది.