త్వ‌ర‌లో ఈ-ఫార్మ‌సీ విధి విధానాలు ఖ‌రారు!

త్వ‌ర‌లో ఈ-ఫార్మ‌సీ విధి విధానాలు ఖ‌రారు! | ఈ-ఫార్మ‌సీని నియంత్రించ‌డానికి త్వ‌ర‌లో కేంద్ర ప్ర‌భుత్వం మార్గ‌ద‌ర్శ‌కాలు జారీ చేయ‌....

July 10, 2021 / 12:45 AM IST

న్యూఢిల్లీ: ఈ-ఫార్మ‌సీని నియంత్రించ‌డానికి త్వ‌ర‌లో కేంద్ర ప్ర‌భుత్వం మార్గ‌ద‌ర్శ‌కాలు జారీ చేయ‌నున్న‌ది. దేశంలోని బ్రిక్ అండ్ మోర్టార్ ఫార్మ‌సీలను ర‌క్షించ‌డానికి ఈ-ఫార్మ‌సీల నియంత్ర‌ణ‌కు రూపొందించాల్సిన విధి విధానాల‌పై కేంద్ర ఆరోగ్య‌, వాణిజ్య మంత్రిత్వ‌శాఖ‌లు సంప్ర‌దింపులు జ‌రిపాయ‌ని స‌మాచారం.

2018 నుంచి ఈ-ఫార్మ‌సీల రిజిస్ట్రేష‌న్‌పై చ‌ర్చ‌లు జ‌రుగుతున్నాయి. అదే ఏడాది డ్ర‌గ్స్ అండ్ కాస్మోటిక్స్ నిబంధ‌న‌లు-1945కు కేంద్ర ప్ర‌భుత్వం స‌వ‌ర‌ణ‌లు చేసింది. ఈ విష‌య‌మై గ‌త వారం కేంద్ర వాణిజ్య‌శాఖ మంత్రి పీయూష్ గోయ‌ల్ ఉన్న‌త స్థాయి స‌మీక్ష జ‌రిపారు.

ఫిజిక‌ల్ ఫార్మ‌సీల మాదిరిగానే ఈ-ఫార్మ‌సీల నిర్వ‌హ‌ణ‌కు నిబంధ‌న‌లు రూపొందించాల‌ని కేంద్రం భావిస్తున్నది. ఈ-ఫార్మ‌సీలకు ప‌లు రాయితీలు అందుబాటులోకి వ‌చ్చాయి. ఆన్‌లైన్‌లో ఫార్మాస్యూటిక‌ల్ ఔష‌ధాలు, ఈ-ఫార్మసీల‌పై నియంత్ర‌ణ లేదు.

క‌రోనా మ‌హ‌మ్మారి ప్ర‌భావంతో ఈ-ఫార్మ‌సీల‌కు డిమాండ్ పెరిగింది. ఈ రంగంలోకి మ‌రింత పెట్టుబ‌డుల‌ను ఆక‌ర్షించ‌డానికి వీలుగా నిబంధ‌న‌లు, నియంత్ర‌ణ‌లతో కూడిన విధానాన్ని అమ‌లులోకి తేవాల‌ని కేంద్రం భావిస్తున్న‌ది.