మెడిక‌ల్ గ్రౌండ్‌పై మెహుల్ చోక్సీకి బెయిల్ బ‌ట్‌..!

మెడిక‌ల్ గ్రౌండ్‌పై మెహుల్ చోక్సీకి బెయిల్ బ‌ట్‌..! | పీఎన్బీ స్కామ్‌లో నిందితుడు మెహుల్ చోక్సీని స్వ‌దేశానికి తీసుకురావాల‌ని భార‌త్ చేసిన ప్ర‌య‌త్నాల‌ను..

July 12, 2021 / 11:32 PM IST

న్యూఢిల్లీ: పంజాబ్ నేష‌న‌ల్ బ్యాంక్ (పీఎన్బీ) కుంభ‌కోణంలో నిందితుడిగా ఉన్న మెహుల్ చోక్సీని స్వ‌దేశానికి తీసుకు రావాల‌న్న భార‌త ప్ర‌భుత్వ ప్ర‌య‌త్నాల‌కు గ‌ట్టి ఎదురుదెబ్బ త‌గిలింది. వైద్య కార‌ణాల రీత్యా అంటిగ్వా&బార్బుడాకు వెళ్లేందుకు చోక్సీకి డొమినికా హైకోర్టు సోమ‌వారం బెయిల్ మంజూరు చేసింది. వైద్య చికిత్స చేయించుకోవ‌డానికి మాత్ర‌మే అంటిగ్వాకు వెళుతున్న‌ట్లు అనుమ‌తినిచ్చామ‌ని స్ప‌ష్టం చేసింది.

దీంతో మెహుల్ చోక్సీ ఇక న్యూరాల‌జిక‌ల్ చికిత్స పొంద‌డానికి అంటిగ్వాకు వెళ్ల‌వ‌చ్చు. అప్ప‌టి వ‌ర‌కు భార‌త్‌కు మెహుల్ చోక్సీ అప్ప‌గించ‌డానికి దాఖ‌లు చేసిన పిటిష‌న్ విచార‌ణ‌ను పెండింగ్‌లో పెట్టింది.

అంటిగ్వాలో చికిత్స పొందిన త‌ర్వాత ప్ర‌యాణానికి ఫిట్ అని వైద్యులు ధ్రువీక‌రించ‌గా, డొమినికాకు తిరిగి రావాల‌ని న్యాయ‌స్థానం ఆదేశించింది. చ‌ట్ట విరుద్ధంగా డొమినికాలో అడుగు పెట్టార‌న్న అభియోగంపై డొమినికా పోలీసులు ఆయ‌న‌ను అరెస్ట్ చేసిన సంగ‌తి తెలిసిందే.