వారం రోజుల్లో పెళ్లి.. అంతలోనే వరుడికి కరోనా పాజిటివ్.. అతనొక్కడికే కాదు అతని తల్లికి కూడా పాజిటివ్. ఇలాంటి సమయంలో వధువు కుటుంబ సభ్యులు తీవ్ర ఆందోళనకు గురవుతారు. పెళ్లి వాయిదా వేసుకుందామని అనుకుంటారు. కానీ ఈ వధువు మాత్రం అనుకున్న తేదీకే తనకు కాబోయే వరుడిని వివాహామాడింది. అది కూడా కొవిడ్ వార్డులో.
కేరళలోని కైనంకరికి చెందిన శరత్ మాన్, అభిరామికి వివాహాం కుదిరింది. ఏప్రిల్ 25న పెళ్లి చేయాలని నిశ్చయించారు. కానీ పెళ్లికి వారం రోజుల ముందు శరత్కు, అతని తల్లికి కరోనా పాజిటివ్గా నిర్ధారణ అయింది. దీంతో వీరిద్దరూ అలప్ఫూజా మెడికల్ కాలేజీలో చేరి చికిత్స పొందుతున్నారు. అయితే అనుకున్న తేదీకే పెళ్లి చేసుకోవాలని వధువు అభిరామి నిశ్చయించుకుంది.
ఈ క్రమంలో ఇరు కుటుంబాలు కలిసి జిల్లా కలెక్టర్కు తమ ప్రతిపాదనను తెలియజేయగా, ఆయన అంగీకరించారు. దీంతో మెడికల్ కాలేజీలోని కొవిడ్ వార్డు.. కాసేపు పెళ్లి మండపంగా మారింది. అభిరామి పీపీఈ కిట్లో కొవిడ్ వార్డులోకి ప్రవేశించగా, శరత్ తల్లి వారికి పూలదండలు అందజేసింది. శరత్, అభిరామి దండలు మార్చుకుని ఒక్కటయ్యారు. కుటుంబ సభ్యులతో పాటు వైద్య సిబ్బంది వారిని ఆశీర్వదించారు.
ఇవికూడా చదవండి..