విద్యుత్తీగ తగిలి మహిళ.. బాధిత కుటుంబ సభ్యుల దాడిలో రైతు మృతి
మహబూబాబాద్ జిల్లా గూడూరు మండలం చిల్లగండితండాలో విషాదం

గూడూరు : పంటచేనులోకి జంతువులు రాకుండా అమర్చిన విద్యుత్తీగ తగిలి మహిళా రైతు మృతి చెందగా కోపోద్రిక్తులైన ఆమె కుటుంబ సభ్యులు దాడి చేసిన ఘటనలో చేనుకు చెందిన రైతు చికిత్సపొందుతూ మరణించిన విషాద సంఘటన మహబూబాబాద్ జిల్లా గూడూరు మండలంలోని చిల్లగండితండాలో చోటుచేసుకుంది. సీఐ రాజిరెడ్డి, ఎస్సై సతీశ్ తెలిపిన వివరాల ప్రకారం…తండాకు చెందిన గుగులోత్ భూలి (55) అనే మహిళరైతు ఆదివారం మధ్యాహ్నం తన వ్యవసాయ పనుల నిమిత్తం వెళ్లి తిరిగి ఇంటికి వస్తున్న క్రమంలో ఇదే తండాకు చెందిన గుగులోత్ ఈర్యాఅనే రైతు పంట రక్షణ కోసం అమర్చిన విద్యుత్ తీగలకు తగిలి మృతి చెందింది.

కుటుంబ సభ్యులు సోమవారం ఉదయం భూలి కోసం వెతుకుతుండగా విద్యుత్ తీగలకు తగిలి భూలి చనిపోవడాన్ని గుర్తించారు. కాగా ఆమె మృతికి కారణమంటూ సోమవారం రైతు ఈర్యా(60)పై బాధితురాలి కుటుంబ సభ్యులు, బంధువులు దాడి చేయడంతో స్పృహ కోల్పోయ్యాడు. తండావాసులు గమనించి ఈర్యను స్థానిక సీహెచ్సీకి చికిత్స నిమిత్తం తరలించగా చికిత్స పొందుతూ మృతి చెందాడు. ఇరు కుటుంబాల ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని పోలీసులు తెలిపారు.
కాగావిద్యుత్ తీగలకు తగిలి చనిపోయిన గుగులోత్ భూలి కుటుంబ సభ్యులను మహబూబాబాద్ ఎంపీ మాలోత్ కవిత సోమవారం రోజు పరామర్శించారు. సంఘటన జరిగిన వివరాలను తెలుసుకుని కుటుంబ సభ్యులను ఓదార్చారు. ప్రభుత్వం తరుపున ఆదుకుంటామని హామీ ఇచ్చారు. కార్యక్రమంలో ఏఎస్పీ యోగేష్గౌతం పాల్గొన్నారు.
Read Today's Latest Warangal-rural Warangal-rural News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

