ఇది మాంసం అనుకుంటే ప‌ప్పులో కాలేసిన‌ట్టే.. మ‌రేంటో చెప్పుకోండి చూద్దాం

ఇది మాంసం అనుకుంటే ప‌ప్పులో కాలేసిన‌ట్టే | టైటిల్ చ‌దివి ఏం అర్థం కాలేదు క‌దా. ఇప్పుడు మీరు పైన ఫోటోను చూశారు క‌దా. అది ఏంటో చెప్పండి అంటే ట‌క్కున మాంసం అంటారు క‌దా.

December 2, 2021 / 08:16 PM IST

ఇది మాంసం అనుకుంటే ప‌ప్పులో కాలేసిన‌ట్టే.. మ‌రేంటో చెప్పుకోండి చూద్దాం

టైటిల్ చ‌దివి ఏం అర్థం కాలేదు క‌దా. ఇప్పుడు మీరు పైన ఫోటోను చూశారు క‌దా. అది ఏంటో చెప్పండి అంటే ట‌క్కున మాంసం అంటారు క‌దా. చూడ‌టానికి కూడా నోరూరించేలా.. బాగా ఆయిల్‌లో వేయించిన మాంసంలా ఉంది అంటారా? మ‌ట‌న్ లేదంటే పోర్క్ అయి ఉంటుంది అంటారా? ప‌క్క‌టెముక‌లు కూడా స్ప‌ష్టంగా క‌నిపిస్తున్నాయి. అది ఖ‌చ్చితంగా మాంస‌మే అంటారా? అది మాంస‌మో కాదో.. తేల్చుకోవ‌డానికంటే ముందు మ‌నం ఓసారి గ‌త సంవ‌త్స‌రంలోకి వెళ్లి రావాలి.

గ‌త సంవ‌త్స‌రం.. ఇట్స్ ఆల్ కేక్ అనే ఓ ట్రెండ్ సోష‌ల్ మీడియాలో వైర‌ల్ అయింది గుర్తుందా? ఆ ట్రెండ్ ఏంటంటే.. కేక్స్ త‌యారు చేసే బేకర్స్‌.. నెటిజ‌న్ల‌ను ప్రాంక్ చేయ‌డం కోసం ర‌క‌ర‌కాల కేకుల‌ను త‌యారు చేసి వాటిని సోష‌ల్ మీడియాలో పోస్ట్ చేశారు. వాటిని ఎలా త‌యారుచేశారంటే.. ఏవైనా ఒక వ‌స్తువును తీసుకొని అచ్చం ఆ వ‌స్తువులాగానే కేక్‌ల‌ను త‌యారు చేశారు.

ఉదాహ‌ర‌ణ‌కు టీవీ సెట్‌, ఫోన్‌, మ‌నిషి మెద‌డు, పెట్ టాగ్, పిల్లి, బాటిల్.. ఇలా ఏ వ‌స్తువు దొరికితే ఆ వ‌స్తువుతో కేక్‌ల‌ను త‌యారు చేశారు. వాటిని చూసి అవి నిజంగానే వ‌స్తువులు అని నెటిజ‌న్లు భావించారు. తీరా వాటిని క‌ట్ చేసి చూస్తే అవి కేక్స్.

తాజాగా అటువంటిదే ఒక ఫోటో ప్ర‌స్తుతం సోష‌ల్ మీడియాలో వైర‌ల్ అవుతోంది. అది మాంసంలా క‌నిపిస్తోంది కానీ.. అది మాంసం కాదు.. అది కూడా కేక్‌. అవును.. దాన్ని క‌ట్ చేస్తే తెలుస్తుంది అది మాంస‌మో.. లేక కేకో. దీన్నే మీట్ కేక్ అని అంటారు. మొత్తానికి మ‌రోసారి గ‌త సంవ‌త్స‌రం జ‌రిగిన ఇట్స్ ఆల్ కేక్ ట్రెండ్‌ను గుర్తు చేసుకున్నారు నెటిజ‌న్లు. ఈ వీడియో కూడా గ‌త సంవ‌త్స‌రందే క‌దా.. ఇప్పుడెందుకు వైర‌ల్ అవుతోంది అంటూ నెటిజ‌న్లు మ‌రోసారి ఫ‌న్నీగా కామెంట్లు చేశారు.