గెస్ట్‌ల ముందు కొత్త‌గా ట్రై చేయబోయిన‌ నూత‌న వ‌ధూవ‌రులు.. అడ్డంగా బుక్క‌య్యారు.. వైర‌ల్ వీడియో

గెస్ట్‌ల ముందు కొత్త‌గా ట్రై చేయబోయిన‌ నూత‌న వ‌ధూవ‌రులు | ఈరోజుల్లో పెళ్లి చేసుకోవ‌డం పెద్ద మ్యాట‌రే కాదు. ఆ పెళ్లిని ఎంత వింత‌గా, కొత్త‌గా, వెరైటీగా, అంద‌రూ ఆశ్చ‌ర్య‌పోయే విధంగా చేసుకుంటారో వాళ్లు గొప్ప‌

December 1, 2021 / 08:14 PM IST

గెస్ట్‌ల ముందు కొత్త‌గా ట్రై చేయబోయిన‌ నూత‌న వ‌ధూవ‌రులు.. అడ్డంగా బుక్క‌య్యారు.. వైర‌ల్ వీడియో

ఈరోజుల్లో పెళ్లి చేసుకోవ‌డం పెద్ద మ్యాట‌రే కాదు. ఆ పెళ్లిని ఎంత వింత‌గా, కొత్త‌గా, వెరైటీగా, అంద‌రూ ఆశ్చ‌ర్య‌పోయే విధంగా చేసుకుంటారో వాళ్లు గొప్ప‌. అందుకే.. త‌మ పెళ్లిని ప‌ది మంది క‌థ‌లు క‌థ‌లుగా చెప్పుకోవాల‌ని నేటి యూత్ తెగ ఆరాట‌ప‌డుతుంది. ఆ ఆరాటంలో కొన్ని త‌ప్పులు జ‌రిగిపోతున్నాయి. గెస్ట్‌ల ముందు అడ్డంగా బుక్క‌యిపోతున్నారు. ఎన్నెన్నో విచిత్ర ఘ‌ట‌న‌లు చోటు చేసుకుంటున్నాయి.

పెళ్లికి కార్ల‌లో కాకుండా.. సైకిల్ మీద రావ‌డం.. పెళ్లి కూతురు డ్యాన్స్ చేస్తూ రావ‌డం.. గాలిలో పెళ్లి చేసుకోవ‌డం.. ఇలా ఎన్నో ర‌కాల పెళ్లిళ్ల‌కు సంబంధించిన వీడియోల‌ను సోష‌ల్ మీడియాలో చూస్తున్నాం.

తాజాగా.. ఓ జంట కూడా త‌మ పెళ్లిని ప‌దిమంది ప‌దిర‌కాలుగా చెప్పుకోవాల‌ని అనుకున్న‌దో ఏమో.. ఏకంగా పెళ్లికి వ‌చ్చిన గెస్ట్‌లను రిసీవ్ చేసుకునేందుకు.. ఓ జేసీబీనే బుక్ చేస్తున్నారు. జేసీబీ ముందు ఉండే హాండ్‌కు డెక‌రేట్ చేసి.. అందులో కూర్చున్నారు. ఆ త‌ర్వాత‌ ఆ హాండ్‌ను జేసీబీ డ్రైవ‌ర్ పైకి లేపాడు.

ఇక‌.. త‌మ పెళ్లికి వ‌చ్చే గెస్ట్‌ల‌కు పెళ్లికూతురు, పెళ్లికొడుకు వెల్‌క‌మ్ చెబుతున్నారు. ఇంత‌లోనే జేసీబీ డ్రైవ‌ర్.. జేసీబీ హాండ్‌ను కిందికి అన్నాడు. అంతే.. ఇక చూసుకోండి.. వెంట‌నే పెళ్లి కొడుకు, పెళ్లి కూతురు ఇద్ద‌రూ కింద‌నే ఉన్న టేబుల్ మీద ప‌డ్డారు. టేబుల్ కూడా విరిగిపోవ‌డంతో ఇద్ద‌రూ నేల మీద ప‌డిపోయారు. దానికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది.

ఇది పెళ్లి ఆర్డ‌ర్ అని జేసీబీ డ్రైవ‌ర్ మ‌రిచిపోయాడా ఏంటి.. ఆ త‌ర్వాత ఏం జ‌రిగిందో నేను ఊహించ‌గ‌ల‌ను.. అంటూ నెటిజ‌న్లు కామెంట్లు చేశారు.

https://twitter.com/pb3060/status/1465016810625851400?s=20

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి