UB Group | ‘బీర్‌ బాటిల్‌లో చేపపిల్ల ఈత’.. అది ఫేక్‌ న్యూస్‌ అని క్లారిటీ ఇచ్చిన బీర్ల కంపెనీ

UB Group | కింగ్‌ఫిషర్‌ బీర్‌ బాటిల్‌ (Kingfisher Beer Bottel) లో చేపపిల్ల ఈదుతున్న ఘటనకు సంబంధించిన వీడియో ఇటీవల సోషల్‌ మీడియా (Social Media) లో వైరల్‌ అయ్యింది. దీనిపై తాజాగా బీర్ల కంపెనీ ‘యునైటెడ్‌ బ్రూవరీస్‌ లిమిటెడ్ (United Breweries)‌’ స్పందించింది.

UB Group : కింగ్‌ఫిషర్‌ బీర్‌ బాటిల్‌ (Kingfisher Beer Bottel) లో చేపపిల్ల ఈదుతున్న ఘటనకు సంబంధించిన వీడియో ఇటీవల సోషల్‌ మీడియా (Social Media) లో వైరల్‌ అయ్యింది. దీనిపై తాజాగా బీర్ల కంపెనీ ‘యునైటెడ్‌ బ్రూవరీస్‌ లిమిటెడ్ (United Breweries)‌’ స్పందించింది. మా బీర్‌ బాటిల్‌లో చేపపిల్ల ఈదుతుందంటూ సోషల్‌ మీడియాలో ప్రచారంలో ఉన్న వీడియోను తాము చూశామని, అది పూర్తిగా తప్పుడు వార్త అని క్లారిటీ ఇచ్చింది. ఈ వార్త ప్రజలను తప్పుదారి పట్టించేదిగా, మా బ్రాండ్ ఇమేజ్‌ను దెబ్బతీసేదిగా ఉందని పేర్కొన్నది.

మా అన్ని బీర్ల తయారీ యూనిట్లలో కచ్చితమైన నాణ్యతా ప్రమాణాలను పాటిస్తామని యునైటెడ్‌ బ్రూవరీస్‌
తెలిపింది. మా బాటిలింగ్‌ లైన్‌లు పూర్తిగా ఆటోమేటెడ్ చేసి ఉంటాయని, సీల్డ్‌ ఎన్విరాన్‌మెంట్‌లో అవి
పనిచేస్తాయని వెల్లడించింది. చట్టం ప్రకారం అత్యున్నతమైన నాణ్యత ప్రమాణాలను తాము అనుసరిస్తామని, అందుకోసం ఉత్పత్తి ప్రతి దశలోనూ పలుమార్లు క్వాలిటీ చెకప్‌లు జరుగుతాయని వెల్లడించింది. ఇంత కచ్చితమైన నాణ్యతా ప్రమాణాలు పాటిస్తున్నందున మా బీర్లలో చేపపిల్ల రావడం అనేది అసంభవమని తెలిపారు.

తాము ఈ అంశంపై సమీక్ష జరుపుతున్నామని, అవసరమైన పక్షంలో తగిన చర్యలు తీసుకుంటామని
యునైటెడ్‌ బ్రూవరీస్‌ తెలిపింది. అసత్యపు సమాచారాన్ని ప్రచారం చేయవద్దని తాము మీడియా సంస్థలను,
ప్రజలను అభ్యర్థిస్తున్నామని పేర్కొన్నది. అత్యున్నతమైన నాణ్యత కలిగిన ఉత్పత్తులను పంపిణీ చేయడానికి, కస్టమర్ల విశ్వాసం పొందడానికి ‘యునైటెడ్ బ్రూవరీస్ లిమిటెడ్’ కట్టుబడి ఉందని ప్రకటించింది.

Fish in Beer | బీర్ బాటిల్‌లో చేపపిల్ల స్విమ్మింగ్.. హైదరాబాద్‌లో కస్టమర్‌కు షాకింగ్ అనుభవం https://www.ntnews.com/hyderabad/fish-found-in-kingfisher-beer-in-hyderabad-wine-shop-2322335