బుధవారం 15 జూలై 2020
Telangana - Jun 02, 2020 , 13:24:59

సీతమ్మసాగర్‌ బ్యారేజ్‌ నిర్మాణానికి అటవీ భూమి బదిలీ

సీతమ్మసాగర్‌ బ్యారేజ్‌ నిర్మాణానికి అటవీ భూమి బదిలీ

హైదరాబాద్‌ : సీతమ్మసాగర్‌ బ్యారేజ్‌ నిర్మాణం కోసం 27.9 హెక్టార్ల(68.9 ఎకరాలు) అటవీ భూమిని తెలంగాణ నీటిపారుదలశాఖకు బదిలీ చేస్తూ కేంద్రం ప్రభుత్వం ఉత్తర్వులు జారీచేసింది. అదేవిధంగా బ్యారేజీ నిర్మాణానికి తుది పర్యావరణ అనుమతులు కూడా మంజూరు చేసింది. భద్రాద్రి కొత్తగూడెం జిల్లా అశ్వాపురం మండలం అమ్మగారిపల్లి వద్ద గోదావరి నదిపై రాష్ట్ర ప్రభుత్వం సీతమ్మసాగర్‌ మల్టీపర్పస్‌ బ్యారేజీ నిర్మాణం తలపెట్టింది. దేవాదుల ప్రాజెక్టుకు నిరంతరం నీటిసరఫరా కోసం సీతమ్మసాగర్‌ బ్యారేజీ నిర్మాణం చేపట్టింది.

ములుగు మండలం ఏటూరు నాగారం, వెంకటాపురం అటవీ డివిజన్లలో భూమి సేకరణ కోసం రాష్ట్ర ప్రభుత్వం కేంద్రానికి విజ్ఞప్తి చేసింది. రాష్ట్ర ప్రభుత్వ విజ్ఞప్తి మేరకు కేంద్రం అటవీ భూమిని బదలాయించింది. గోదావరి నదిపై చెప్పుకోదగ్గ జలవిద్యుత్‌ కేంద్రం లేదనే లోటును తీర్చేలా సీఎం కేసీఆర్‌ దుమ్ముగూడెం బరాజ్‌కు రూపకల్పన చేశారు. 37 టీఎంసీల నీటినిల్వతో 70 గేట్లతో చేపడుతున్న ఈ బరాజ్‌ వద్ద సాంకేతికంగా హెడ్‌ అనుకూలంగా ఉండటంతో ఏకంగా 320 మెగావాట్ల జలవిద్యుత్‌ ఉత్పాదనకు అవకాశం ఉన్నట్లుగా సమాచారం. 

తాజావార్తలు


logo