Visit:
KP Vivekananda | హైద‌రాబాద్ : సీఎం రేవంత్ రెడ్డికి ద‌మ్ము లేదు క‌నుకే.. ఫార్ములా ఈ రేసింగ్‌పై చ‌ర్చ‌కు ఒప్పుకోలేద‌ని బీఆర్ఎస్ ఎమ్మెల్యే కేపీ వివేకానంద ధ్వ‌జ‌మెత్తారు. ఫార్ములా ఈ రేసింగ్‌పై చర్చ జరిగితే నిజాలు బయట పడుతాయని రేవంత్ రెడ్డి చ‌ర్చ‌కు ఒప్పుకోలేదు అని కేపీ వివేకానంద పేర్కొన్నారు. అసెంబ్లీ ఆవ‌ర‌ణ‌లోని మీడియా పాయింట్‌లో కేపీ వివేకానంద మాట్లాడారు.
అసెంబ్లీ సమావేశాలు ఓ పద్దతి లేకుండా నడుస్తున్నాయి. శాసనసభ చరిత్రలోనే కొత్త సంప్రదాయాలకు రేవంత్ స‌ర్కార్‌ తెర లేపింది. రూల్స్‌కు వ్య‌తిరేకంగా సమావేశాలు నడుస్తున్నాయి. నియమాలు, నిబంధనలు తుంగలో తొక్కి ఇష్టానుసారం సభను నడుపుతున్నారు. అసెంబ్లీ సమావేశాలే నడపలేకపోతున్నారు.. ఇక ప్రభుత్వాన్ని ఏం నడుపుతారు..? సీఎం అనుభవరాహిత్యంతో సమస్యలు వస్తున్నాయి. సీఎం తీరు చూసి ప్రజలు నవ్వుకుంటున్నారని కేపీ వివేకానంద పేర్కొన్నారు.
ఆరు గ్యారంటీలు ,420 హామీల నుంచి దృష్టి మరల్చడానికే రేవంత్ మా నేత కేటీఆర్‌పై కేసు పెట్టారు. పన్నెండు నెలల్లో పన్నెండు విచారణలు చేశారు. రేవంత్ పాలన మీద దృష్టి పెట్టలేదు . ఫార్ములా ఈ రేసింగ్‌తో రాష్ట్ర ప్రతిష్ట పెరిగింది. కుంభ కోణంగా చూపెట్టే ప్రయత్నం చేస్తున్నారు. చర్చ కోసం పట్టుబడితే కాంగ్రెస్ సభ్యులు మా మీద దాడి చేశారు. చెప్పులు, బాటిళ్లతో మాపై దాడి చేశారు. ప్రతిపక్ష సభ్యులకు హక్కులుండవా? కొన్ని వీడియోలే కావాలని బయట పెట్టారు. సీఎం ప్రోద్బలంతోనే కాంగ్రెస్ సభ్యులు రెచ్చిపోతున్నారు. వీడియోలు ఎవరి అనుమతితో బయట పెట్టారు. కొత్త సంప్రదాయానికి తెరలేపారు. దీంట్లో కుట్ర కోణం ఉంది. కుట్ర పూరితంగా మా గొంతు నొక్కుతున్నారు. ప్ర‌జా కోర్టులో రేవంత్‌ను దోషిగా నిల‌బెడుతామ‌ని ఎమ్మెల్యే కేపీ వివేకానంద తేల్చిచెప్పారు.
ఇవి కూడా చ‌ద‌వండి..
Palla Rajeshwar Reddy | ఆ చ‌ట్టం భూ భార‌తి కాదు.. భూ హార‌తి : ఎమ్మెల్యే ప‌ల్లా రాజేశ్వ‌ర్ రెడ్డి
KTR | ఈ నెల 30 దాకా కేటీఆర్‌ను అరెస్టు చేయొద్దు.. ఏసీబీకి హైకోర్టు ఆదేశం
BRS | రేవంత్ రెడ్డి మీద నియంత్రణ లేదా.. రాహుల్‌ గాంధీని ప్రశ్నించిన బీఆర్ఎస్
