Yashasvi Jaiswal | ‘య‌శ‌స్వీకి భ‌య‌మ‌నేదే తెలియ‌దు.. భ‌విష్య‌త్‌లో మరిన్ని శిఖ‌రాలు అధిరోహిస్తాడు’

Yashasvi Jaiswal : సుదీర్ఘ ఫార్మాట్‌లో భార‌త‌ యువ ఓపెన‌ర్ య‌శ‌స్వీ జైస్వాల్(Yashasvi Jaiswal) రికార్డులు తిర‌గరాస్తున్నాడు. కెరీర్ ఆరంభంలోనే త‌న చెక్కుచెద‌ర‌ని ఫుట్‌వ‌ర్క్, టెంప‌ర‌మెంట్‌తో దిగ్గ‌జాల‌ను సైతం ఫిదా చేస్తున్న య‌శ‌స్వీ గురించి చిన్న‌ప్ప‌టి కోచ్ ప‌లు...

Yashasvi Jaiswal : సుదీర్ఘ ఫార్మాట్‌లో భార‌త‌ యువ ఓపెన‌ర్ య‌శ‌స్వీ జైస్వాల్(Yashasvi Jaiswal) రికార్డులు తిర‌గరాస్తున్నాడు. కెరీర్ ఆరంభంలోనే త‌న చెక్కుచెద‌ర‌ని ఫుట్‌వ‌ర్క్, టెంప‌ర‌మెంట్‌తో దిగ్గ‌జాల‌ను సైతం ఫిదా చేస్తున్నాడు. రాజ్‌కోట్ టెస్టు(Rajkot Test)లో విధ్వంస‌క డబుల్ సెంచ‌రీ(214 నాటౌట్‌)తో లెజెండ‌రీ ఆట‌గాళ్ల‌ రికార్డులు బ్రేక్ చేసిన య‌శ‌స్వీ టాక్ ఆఫ్ ది నేష‌న్‌గా నిలిచాడు. వీరోచిత ఇన్నింగ్స్‌లతో టీమిండియా విజ‌యాల్లో భాగ‌మ‌వుతున్న య‌శ‌స్వీని చూసి అత‌డి చిన్న‌ప్ప‌టి కోచ్ అరిఫ్ హుస్సేన్ (Arif Hussain) మ‌స్త్ ఖుషీ అవుతున్నాడు.

జైస్వాల్ చిన్న వ‌య‌సు నుంచే దూకుడుగానే ఆడేవాడ‌ని, అత‌డికి భ‌యమంటే తెలియ‌దని హుస్సేన్ వెల్ల‌డించాడు. ‘య‌శ‌స్వీ ప్ర‌త్యేక‌మైన ఆట‌గాడ‌ని మాకు తెలుసు. మొద‌టి నుంచి అత‌డు చాలా షార్ప్. ప‌రుగులు సాధించాల‌నే క‌సి క‌నిపించేది. ఎంతో ప‌ట్టుద‌ల చూపేవాడు. అస‌లు భ‌య‌మ‌నేది అత‌డిలో క‌నిపించేది కాదు.

చిన్న‌ప్ప‌టి కోచ్ అరిఫ్ హుస్సేన్‌తో య‌శ‌స్వీ

How it started vs How it’s going pic.twitter.com/n5BMKocuyf

— ESPNcricinfo (@ESPNcricinfo) February 18, 2024

ఐపీఎల్ 16వ సీజ‌న్‌లో య‌శ‌స్వీ ఆకాశ‌మే హ‌ద్దుగా చెల‌రేగాడు. ఫాస్టెస్ట్ ఫిఫ్టీతో పాటు సూప‌ర్ సెంచ‌రీతో రాజ‌స్థాన్ రాయ‌ల్స్ విజ‌యాల్లో కీల‌క పాత్ర పోషించాడు. ఆ ఎడిష‌న్‌తో సెలెక్ట‌ర్ల దృష్టిలో ప‌డ్డ య‌శ‌స్వీ.. వెస్టిండీస్ ప‌ర్య‌ట‌న‌(West Indies Tour)తో టెస్టుల్లో అరంగేట్రం చేశాడు. తొలి మ్యాచ్‌లోనే శ‌త‌కం బాది ఔరా అనిపించాడు. ఆ త‌ర్వాత టీ20 ఓపెన‌ర్‌గా ప‌లు విధ్వంస‌క ఇన్నింగ్స్‌లు ఆడాడు.

ఇవి కూడా చ‌దవండి

• Viral Video | బ‌ట్ట‌త‌ల‌తో దువ్వెన ఏం చేసుకుంటా..: వీధి వ్యాపారితో ఆక‌ట్టుకున్న అనుప‌మ్ ఖేర్ సంభాష‌ణ‌
• Viral Video | కదులుతున్న కారుపై స్టంట్స్‌‌.. ఆకతాయిలకు తగిన బహుమతి ఇచ్చిన పోలీసులు