Usman Khawaja : ఆస్ట్రేలియా ఓపెనర్ ఉస్మాన్ ఖవాజా(Usman Khawaja) గాయపడ్డాడు. వెస్టిండీస్ పేసర్ షమర్ జోసెఫ్(Shamar Joseph) బౌలింగ్లో షార్ట్ పిచ్ బంతి అతడి హెల్మెట్కు బలంగా తాకింది. దాంతో, బ్యాట్ కింద పడేసిన ఖవాజా నొప్పితో విలవిలలాడాడు. దాంతో పరుగెత్తుకొచ్చిన ఫిజియో ఖవాజాకు కంకషన్ టెస్ట్ నిర్వహించాడు. అయితే.. అంతా బాగుందని చెప్పిన ఈ స్టార్ ఓపెనర్ బ్యాటింగ్ చేసేందుకు సిద్ధంగా లేనని చెప్పడంతో అతడిని రిటైర్డ్ హర్ట్గా ప్రకటించారు.
అయితే.. మైదానం వీడుతున్న సమయంలో నోట్లోంచి రక్తం వచ్చింది. దాంతో, ఆసీస్ వైద్య బృందం అతడికి వెంటనే స్కానింగ్ పరీక్షలు చేయించింది. అయితే దవడ ఎముక విరిగిన ఆనవాళ్లు లేకపోవడంతో అంతా ఊపిరిపీల్చుకున్నారు.
Australia were a run away from victory when a Shamar Joseph bouncer forced Usman Khawaja to retire hurt 🤕
It’s been learnt that the Australian opener has been cleared of jaw fracture #AUSvWI pic.twitter.com/S4fxPbciX4
— ESPNcricinfo (@ESPNcricinfo) January 19, 2024
ఖవాజాకు దవడ ఎముక విరగలేదు. అయితే.. కంకషన్ లక్షణాలు ఏమైనా కనిపిస్తాయేమో అనే ఉద్దేశంతో అతడిని వైద్యుల పర్యవేక్షణలో ఉంచాం. బ్రిస్బేన్లో జరిగే రెండు టెస్టుకు ముందు అతడికి ఓసారి ఎన్ ఆర్ ఎంఏ ఇన్యూరెన్స్ టెస్టు చేస్తాం అని క్రికెట్ ఆస్ట్రేలియా ప్రకటన విడుదల చేసింది. ఖవాజా గాయంపై కెప్టెన్ కమిన్స్ స్పందిస్తూ.. చూస్తుంటే ఖవాజా బాగానే ఉన్నాడనిపిస్తోంది. కాకపోతే దవడ నొప్పి ఉండొచ్చు అని అన్నాడు. జనవరి 25 నుంచి రెండో టెస్టు షురూ కానుంది. ఆలోపు ఖవాజా కోలుకుంటాడా? లేదా? అనేది తెలియాల్సి ఉంది.
What a week in Adelaide! Great vibes for a great win. Next stop, Brissy!
Tickets 🎟️: https://t.co/15SB5UgB2x pic.twitter.com/UHXE8iv3bI
— Cricket Australia (@CricketAus) January 19, 2024
తొలి ఇన్నింగ్స్లో 188 పరుగులకే ఆలౌట్ అయిన బ్రాత్వైట్ సేన రెండో ఇన్నింగ్స్లో కనీస పోరాటం చేయలేదు. టాప్ ఆటగాళ్లు మరోసారి విఫలమవ్వడంతో మరీ దారుణంగా 120 పరుగులకే ఆలౌటయ్యింది. హేజిల్వుడ్ ధాటికి అందరూ చేతులెత్తేయగా.. కిర్క్ మెకంజీ(26), జస్టిన్ గ్రేవ్స్(24) మాత్రమే రాణించారు.
రెండో ఇన్నింగ్స్లో విండీస్ నిర్దేశించిన 26 పరుగుల లక్ష్యం చిన్నదే కావడంతో ఖవాజా(9), స్టీవ్ స్మిత్(11 నాటౌట్) ధనాధన్ ఆడారు. 7వ ఓవర్కే ఇరుజట్ల స్కోర్లు సమం అయ్యాయి. ఆ ఓవర్లో జోసెఫ్ వేసిన బౌన్సర్ హెల్మెట్కు తగలడంతో ఖవాజా రిటైర్డ్ హర్ట్గా మైదానం వీడాడు. ఆ తర్వాత వచ్చిన లబూషేన్(1 నాటౌట్) సింగిల్ తీసి జట్టును గెలిపించాడు. దాంతో, ఆసీస్ 1-0తో ఆధిక్యంలోకి దూసుకెళ్లింది.