Team India – South Africa Tour : వెస్టిండీస్ పర్యటనలో ఉన్న భారత జట్టు(Team India) త్వరలోనే దక్షిణాఫ్రికా(South Africa) గడ్డపై కాలుమోపనుంది. అవును.. టీమిండియా, దక్షిణాఫ్రికా పర్యటన ఖరారైంది. భారత క్రికెట్ బోర్డు(BCCI), దక్షిణాఫ్రికా క్రికెట్ బోర్డు(CSA)లు ఈరోజు షెడ్యూల్ విడుదల చేశాయి. సఫారీ గడ్డపై టీమిండియా 3 టీ20లు, 3 వన్డేలు, రెండు టెస్టుల సిరీస్ ఆడనుంది.
టీ 20 మ్యాచ్తో సిరీస్ ప్రారంభం కానుంది. ఇరుజట్ల మధ్య డర్బన్ వేదికగా డిసెంబర్ 10న తొలి టీ20 మ్యాచ్ జరగనుంది. వెస్టిండీస్ పర్యటన ముగియగానే టీమిండియా దక్షిణాఫ్రికాకు బయలుదేరనుంది. ఆలోపు బీసీసీఐ పర్యటనకు ఎంపికైన ఆటగాళ్ల పేర్లను వెల్లడించనుంది.
BCCI and @ProteasMenCSA announce fixtures for India’s Tour of South Africa 2023-24.
For more details – https://t.co/PU1LPAz49I #SAvIND
A look at the fixtures below 👇👇 pic.twitter.com/ubtB4CxXYX
— BCCI (@BCCI) July 14, 2023
టీ 20 సిరీస్ : మొదటి టీ20 డిసెంబర్ 10న డర్బన్ వేదికగా జరనుంది. రెండో టీ20 డిసెంబర్ 12న కెబెర్హా స్టేడియంలో, మూడో టీ20 మ్యాచ్ డిసెంబర్ 14న జొహన్నెస్బర్గ్లో జరగనున్నాయి.
వన్డే సిరీస్ : డిసెంబర్ 17 జొహన్నెస్బర్గ్లో మొదటి వన్డే మ్యాచ్తో మూడు వన్డేల సిరీస్ మొదలవ్వనుంది. డిసెంబర్ 19 రెండో వన్డే, డిసెంబర్ 21న భారత్, సఫారీ జట్లు మూడో వన్డేలో తలపడనున్నాయి.
టెస్టు సిరీస్ : భారత్, దక్షిణాఫ్రికా జట్లు డిసెంబర్ 26 నుంచి డిసెంబర్ 30 వరకు సెంచూరియన్లో మొదటి టెస్టు ఆడనున్నాయి. రెండో టెస్టు జనవరి 3 నుంచి జనవరి 7వ తేదీ వరకు కేప్ టౌన్లో జరగనుంది.