GT vs CSK : ఐపీఎల్ పదిహేడో సీజన్లో భారీ స్కోర్ బాకీ పడిన గుజరాత్ టైటాన్స్(Gujarat Titans) ఓపెనర్లు కీలక పోరులో గర్జించారు. సొంత మైదానంలో సాయి సుదర్శన్(103), కెప్టెన్ శుభ్మన్ గిల్(104)లు సెంచరీలతో చెలరేగగా.. చెన్నై సూపర్కింగ్స్పై భారీ స్కోర్ కొట్టింది. నిర్ణీత ఓవర్లలో 3 వికెట్ల నష్టానికి 231 పరుగులు చేసింది. తొలి ఓవర్ నుంచే గిల్, సాయిలు బంతిపై పగబట్టినట్టు.. స్టాండ్స్పై ప్రేమ పెంచుకునట్టు బౌండరీలతో హోరెత్తించారు. వీళ్లిద్దరి ఊచకోతకు సీఎస్కే బౌలర్లు ప్రేక్షకులవ్వగా.. అహ్మదాబాద్ స్టేడియం రికార్డులతో దద్ధరిల్లిపోయింది.
పదిహేడో సీజన్లో రికార్డుల వెల్లువ కొనసాగిస్తున్న సన్రైజర్స్ హైదరాబాద్ ఓపెనర్లను చూసి స్ఫూర్తి పొందారా? అన్నట్టుగా.. సాయి సుదర్శన్(103 : 51 బంతుల్లో 5 ఫోర్లు, 7 సిక్సర్లు), శుభ్మన్ గిల్(104 : 55 బంతుల్లో 9 ఫోర్లు, 6 సిక్సర్లు) చెలరేగారు. బౌలర్ మారినా బంతి గమ్యం బౌండరీయే అన్నట్టు విరచుకుపడ్డారు.
That memorable moment 😍
Sai Sudharsan goes back for a scintillating knock but not before thoroughly entertaining the crowd 👏💯
Watch the match LIVE on @JioCinema and @StarSportsIndia 💻📱#TATAIPL | #GTvCSK pic.twitter.com/VRF5VGDiVg
— IndianPremierLeague (@IPL) May 10, 2024
అంత తేలికగా వికెట్ ఇచ్చే ఆలోచన లేని ఈ ఇద్దరూ పోటా పోటీగా ఆడారు. దాంతో, పవర్ ప్లేలో గుజరాత్ వికెట్ పడకుండా 58 రన్స్ కొట్టింది. ఆ తర్వాత గేర్ మార్చిన ఈ ఇద్దరూ చెన్నై బౌలర్లను ఊచకోత కోశారు. ఓవర్కు రెండు మూడు బౌండరీలు బాదడంతో 13 ఓవర్లకు జట్టు స్కోర్ 150 దాటింది. ఆ తర్వాత కూడా గిల్, సాయి తమ జోరు తగ్గించకపోవడంతో 16 ఓవర్లకే జట్టు స్కోర్ 200 దాటింది.
సిమర్జీత్ సింగ్ ఓవర్లో బౌండరీతో గిల్ సెంచరీ సాధించాడు. ఐపీఎల్లో అతడికిది నాలుగో శతకం. ఆ ఓవర్లోనే సుదర్శన్ సిక్సర్తో తొలి శతకం నమోదు చేశాడు. దేశ్పాండే ఓవర్లో తేలికైన క్యాచ్ ఇచ్చి ఔటయ్యాడు. దాంతో, గుజరాత్ 210 వద్ద తొలి వికెట్ కోల్పోయింది. మరో మూడు బంతులకే గిల్ సైతం జడేజాకు దొరికాడు. అక్కడితో గుజరాత్ స్కోర్ తగ్గిపోయింది. గిల్, సాయి తరహా విధ్వంసాన్ని ఆ తర్వాత వచ్చిన డేవిడ్ మిల్లర్(16), షారుక్ ఖాన్(2)లు కొనసాగించలేదు. దాంతో, చెన్నైకి 250 ప్లస్ టార్గెట్ ఇస్తుందనుకున్న గుజరాత్ 231 రన్స్కే పరిమితమైంది.
Shubman Gill brings up #TATAIPL‘s 100th 💯
The captain leading from the front for @gujarat_titans 🫡
Follow the Match ▶️ https://t.co/PBZfdYswwj#TATAIPL | #GTvCSK pic.twitter.com/sX2pQooLx0
— IndianPremierLeague (@IPL) May 10, 2024