Vijay Hazare Trophy | నోటికి ప్లాస్ట‌ర్‌తో బ్యాటింగ్ చేసిన‌ క్రికెట‌ర్.. ఎందుకంటే..?

Vijay Hazare Trophy : దేశవాళీ క్రికెట్‌లో పాపుల‌ర్ అయిన‌ విజ‌య్‌హజారే ట్రోఫీ(Vijay Hazare Trophy) తుది అంకానికి చేరింది. ఇప్ప‌టికే హ‌ర్యాణా జ‌ట్టు ఫైన‌ల్లో అడుగుపెట్ట‌గా.. రెండో బెర్త్ కోసం క‌ర్నాట‌క‌, రాజ‌స్థాన్ పోటాపోటీగా త‌ల‌ప‌డుతున్నాయి. అయితే.. హ‌ర్యాణాతో జ‌రిగిన తొలి సెమీఫైన‌ల్లో త‌మిళనాడు బ్యాట‌ర్....

Vijay Hazare Trophy : దేశవాళీ క్రికెట్‌లో పాపుల‌ర్ అయిన‌ విజ‌య్‌హజారే ట్రోఫీ(Vijay Hazare Trophy) తుది అంకానికి చేరింది. ఇప్ప‌టికే హ‌ర్యాణా జ‌ట్టు ఫైన‌ల్లో అడుగుపెట్ట‌గా.. రెండో బెర్త్ కోసం క‌ర్నాట‌క‌, రాజ‌స్థాన్ పోటాపోటీగా త‌ల‌ప‌డుతున్నాయి. అయితే.. హ‌ర్యాణాతో జ‌రిగిన తొలి సెమీఫైన‌ల్లో త‌మిళనాడు బ్యాట‌ర్ బాబా ఇంద్ర‌జిత్(Baba Indrajith) అద్భ‌త పోరాటంతో ఆక‌ట్టుకున్నాడు.

ఓ ప‌క్క‌ పెద‌వి గాయం ఇబ్బందిపెడుతున్నా.. నోటికి ప్లాస్ట‌ర్ వేసుకొని అస‌మానరీతిలో చెల‌రేగి హాఫ్ సెంచ‌రీ సాధించాడు. 4 బౌండ‌రీల‌తో 64 ప‌రుగులు బాదిన అత‌డు అన్షుల్ కంబోజ్(Anshul Kamboj) ఓవ‌ర్లో భారీ షాట్‌కు ప్ర‌య‌త్నించి ఔట‌య్యాడు. ఆ వీడియో ప్ర‌స్తుతం ఆన్‌లైన్‌లో వైర‌ల్ అవుతోంది.

In the air….and nicely taken! 🙌

A big moment in the match as Anshul Kamboj gets the crucial wicket of Baba Indrajith (64 off 71). A fine catch by Ankit Kumar 👌👌

Scorecard ▶️ https://t.co/lg2qHYnkSI@IDFCFIRSTBank | #VijayHazareTrophy pic.twitter.com/0RfIUBjOY3

— BCCI Domestic (@BCCIdomestic) December 13, 2023

హ‌ర్యానాతో రాజ్‌కోట్‌లో జ‌రిగిన తొలి సెమీఫైన‌ల్లో ఇంద్ర‌జిత్ గాయ‌ప‌డ్డాడు. ఇన్నింగ్స్ విరామం మ‌ధ్య‌లో బాత్‌రూమ్‌కు వెళ్లిన అత‌డు జారి ప‌డ్డాడు. దాంతో, అత‌డి పై పెద‌వికి తీవ్ర గాయ‌మైంది. అయినా స‌రే జ‌ట్టును గెలిపించాల‌నే ప‌ట్టుద‌ల‌తో నోటికి ప్లాస్ట‌ర్ వేసుకొని మ‌రీ క్రీజులోకి వ‌చ్చాడు. పెద‌వి గాయం తాలూకు నొప్పిని భ‌రిస్తూనే హాఫ్ సెంచ‌రీ బాదాడు. మొత్తంగా 71 బంతులు ఎదుర్కొన్న ఇంద్ర‌జిత్ 64 ప‌రుగుల వ‌ద్ద వెనుదిరిగాడు.

హిమాన్షు రానా(116)

అయితే.. ఈ మ్యాచ్‌లో తొలుత బ్యాటింగ్ చేసిన‌ హ‌ర్యానా హిమాన్షు రానా(116) సెంచరీ బాద‌డంతో.. 7 వికెట్ల న‌ష్టానికి 293 ర‌న్స్ కొట్టింది. ఛేద‌న‌ల్ త‌మిళ‌నాడు ఆదినుంచి త‌డ‌బ‌డింది. కీల‌క ఆట‌గాళ్లు విజ‌య్ శంక‌ర్‌(23), కెప్టెన్ దినేశ్ కార్తిక్(31) స్వ‌ల్ప స్కోర్‌కే వెనుదిరిగారు. ఆ స‌మ‌యంలో బాబా ఇంద్ర‌జిత్ ఒంట‌రిపోరాటం చేశాడు. కానీ, హ‌ర్యాణా బౌల‌ర్ల ధాటికి త‌మిళ‌నాడు టెయిలెండ‌ర్లు కూడా చేతులెత్తేశారు. దాంతో, ఆ జ‌ట్టు 230 ప‌రుగుల‌కే ఆలౌట‌య్యింది.

ఇవి కూడా చ‌ద‌వండి

• Harmanpreet Kaur | క్రీజులో ఇరుక్క‌పోయిన బ్యాట్.. రెండోసారి హాఫ్ సెంచ‌రీ చేజార్చుకున్న భార‌త కెప్టెన్
• Niranjan Reddy | తెలంగాణలో పంటల మార్పిడిని ప్రోత్సహించాం : మాజీ మంత్రి నిరంజన్‌ రెడ్డి
• Harish Shankar | పవన్‌ కళ్యాణ్‌ సినిమాకు బ్రేక్‌.. రవితేజతో మూవీ కమిట్‌ అయిన