Sumit Nagal | మూడో రౌండ్‌లో అల‌వోక విజ‌యం.. ఆస్ట్రేలియ‌న్ ఓపెన్‌లో సుమిత్

Sumit Nagal  : భార‌త టెన్నిస్ స్టార్ సుమిత్ న‌గ‌ల్(Sumit Nagal) కొత్త ఏడాదిలో అద‌ర‌గొట్టాడు. ప్ర‌తిష్ఠాత్మ‌క ఆస్ట్రేలియా ఓపెన్(Australian Open 2024)టోర్నీ మెయిన్ డ్రాకు అర్హ‌త సాధించాడు. శుక్ర‌వారం జ‌రిగిన క్వాలిఫ‌యింగ్ ఫైన‌ల్ల్  స్లొవేకియాకు చెందిన...

Sumit Nagal  : భార‌త టెన్నిస్ స్టార్ సుమిత్ నగాల్(Sumit Nagal) కొత్త ఏడాదిలో అద‌ర‌గొట్టాడు. ప్ర‌తిష్ఠాత్మ‌క ఆస్ట్రేలియా ఓపెన్(Australian Open 2024)టోర్నీ మెయిన్ డ్రాకు అర్హ‌త సాధించాడు. శుక్ర‌వారం జ‌రిగిన క్వాలిఫ‌యింగ్ మూడో రౌండ్‌లో స్లొవేకియాకు చెందిన అలెక్స్ మొల్కాన్‌(Alex Molcan)పై నగాల్ అల‌వోక‌గా గెలుపొందాడు.

వ‌రుస సెట్లలో జోరు కొనసాగించిన నగాల్ 6-4, 6-4తో అలెక్స్‌ను మ‌ట్టిక‌రిపించాడు. దాంతో, ఆస్ట్రేలియా ఓపెన్ బెర్తు ద‌క్కించుకున్నాడు. తొలి రౌండ్‌లో నగాల్ వ‌ర‌ల్డ్ 31 ర్యాంక‌ర్ అలెగ్జాండ‌ర్ బ‌బ్లిక్‌(Alexander Bublik)ను ఢీకొట్ట‌నున్నాడు. 2021 త‌ర్వాత సీజ‌న్ తొలి గ్రాండ్‌స్లామ్‌లో భార‌త ఆట‌గాడికి ఇది రెండో మెయిన్ డ్రా.

Determined ✊@nagalsumit 🇮🇳 will compete in his second #AusOpen main draw after defeating Alex Molcan 6-4 6-4.

He didn’t drop a set in qualifying. One to watch at #AO2024? 👀 pic.twitter.com/8d5I951FWw

— #AusOpen (@AustralianOpen) January 12, 2024

మెగా టోర్నీల్లో న‌గాల్‌కు మంచి రికార్డు ఉంది. 2021 యూఎస్ ఓపెన్ ఓపెనింగ్ రౌండ్‌లో అత‌డు లిథ్వేనియాకు చెందిన రికార్డ‌స్ బెరంకిస్‌ను చిత్తు చేశాడు. అంతేకాదు ఆ త‌ర్వాతి పోరులో మాజీ వ‌ర‌ల్డ్ నంబ‌ర్ 1 రోజ‌ర్ ఫెద‌ర‌ర్‌(Rojer Federer)కు న‌గ‌ల్ చుక్క‌లు చూపించాడు. ఇట్టే ముగుస్తుంద‌నుకున్న‌ మ్యాచ్‌ను ఏకంగా నాలుగు సెట్ల వ‌ర‌కూ తీసుకెళ్లి ఔరా అనిపించాడు. అయితే ఫెద‌ర‌ర్ ధాటికి నిల‌వ‌లేక 6-4,1-6,2-6,4-6తో ఓట‌మి పాల‌య్యాడు.

ఇవి కూడా చ‌ద‌వండి

• NZ vs PAK | డారిల్ మిచెల్ ఊచ‌కోత‌.. తొలి టీ20లో న్యూజిలాండ్ ఘ‌న విజ‌యం
• Sensex: దూకిన బుల్‌.. సెన్సెక్స్‌, నిఫ్టీ రికార్డు ట్రేడింగ్
• Sarkaru Naukari | సైలెంట్‌గా ఓటీటీలోకి వచ్చేసిన ‘సర్కారు నౌకరి’.. స్ట్రీమింగ్ ఎందులో అంటే.?